Wararka laga helayo magaalada Jowhar ayaa sheegaya in guddoomiyaha Baarlamaanka Hirshabeelle uu ku biiray xildhibaanada kalsoonida kala noqday Madaxweynaha Maamulkaasi.
Guddoomiyaha Baarlamaanka Hirshabeelle Cismaan Barre Maxamed oo ilaa shalay la safnaa madaxweynaha la riday ayaa saaka diyaarad gaara ka qaatay magaalada Muqdisho, waxaana si aan hore loo arag loogu soo dhoweeyay garoonka Jowhar.
Guddoomiye Cismaan Barre ayaa la dejiyay guriga madaxweyne ku xigeenka Hirshabeelle, waxaana lagu wadaa inuu saxaafadda la hadlo goor dhow isagoo si buuxda u taageeraya go’aankii xildhibaanada Hirshabeelle kalsoonida ugala laabteen Cali C/llaahi Cosoble.
Arrintan ayaa ceel dheer ku sii rideysa rajadii madaxweynaha Hirshabeelle ku doonayay inuu u dagaalamo xilkiisa.