Magaalada Boosaaso ee Gobolka Bari ayaa muujisay deeqsinimo iyo Soomaalinimo kadib markii ay 48 saacadood ku ururisay lacag ka badan 300,000$ oo loogu talogalay dadka ku waxyeeloobay qaraxii Muqdisho.
Ololaha qaaraan ururinta oo ka dhacay Masjidka Rowda ee Boosaaso waxaa ka qeyb qaatay mas’uuliyiin iyo dhacab iyadoo caruurta magaalada ay lacago ku wareejiyeen Guddiga yabooha, waxaana la yaab leh in Boosaaso ay ka saddex laab ka badan tahay dhaqaalaha uu ku deeqay mareykanka oo ah 100,000$.
Soomaali fara badan ayaa u istaagay inay gurmad u sameeyeen dadkii ku waxyeeloobay qaraxii Muqdisho, waxayna fureen olole lacago lagu ururinayo iyadoo gurmadka Soomaalida kaliya haddii si fiican loo maareeyo uu kasoo harayo dadka dhibaateysan, isla markaana aan loo baahneyn kaalmo dibadeed.