ALLOOW, XAARAANTA NOO BARAKEEY!!!!!
“Alloow xaaraanta noo barakeey “ waa duco beryahan ku soo badatay dalka gaar ahaan goobaha doorashadu ka socoto, ee lagu kala qaato lacagta igu shubo “ducada 2016”.
Waxaan arki jiray xaaraan laga duceeysto in ay ku soo gasho, mid laga tooba keeno hadeey ku soo gasho.la isku ceebeeyo,laga shalaayo, qof ahaan ,Waxaa Alla mahadiis ah, in aanan leey dooran, waxna dooran, xarun doorashana aanan tagin.
Ma aakhiru zamaanaa? Dal bad iyo biriba xaaraan lagu xaraashayo, hala yaabin hadaad aragto qof iibinaya kilyihiisa ama qeeyb ka mid ah jirkiisa , laakin la yaab hadaad aragto qof dadnimadiisu ay beec u tahay, diintiisu ay beec u tahay. Hana ku duceeysan in Allah uu xaaraan kuu barakeeyo.
Anigu waa ku wareeraye, adigu ma ii sheegi kartaa ducadaa nuxurkeedu waxa uu yahay? Ma iiga jawaabi kartaa haddii aan khalad u fahmay?
Qore: Yahya Amir
