C/raxmaan Ceynte oo Farriin kulul u diray Farmaajo & Kheyre [Waa inaan qooq siyaasadeed laga qaadin is-casilaadda Jawaari]

Wasiirkii hore ee Qorsheynta dowladii hore ee Soomaaliya C/raxmaan Yuusuf Ceynte oo mar soo noqday xoghayihii madaxweyne Farmaajo ayaa farriin culus u diray Madaxweynaha iyo Ra’iisal Wasaaraha Soomaaliya.

Isagoo ka hadlayay is-casilaadii Guddoomiyaha Baarlamaanka Maxamed Sheekh Cismaan Jawaari ayuu uga digay madaxda sare inaysan wax uu ugu yeeray qooq siyaasadeed ka qaadin is-casilaadda Jawaari, wuxuuna soo jeediyay sadex qodob oo muhiim ah.

HOOS KA AKHRISO FARRIIN C/RAMMAAN CEYNTE

Waxaan codkeyga ku biirinayaa jamaahiirtii u mahad celisay Guddoomiye Jawaari, sida xilkasnimada iyo waayeelnimada leh ee uu isku casilay, isagoo u turay guud ahaan dowladnimada Soomaaliya, gaar ahaan midnimada Golaha Shacabka. Siduu khudbaddiisa ku sheegay, waalidka ayaa ubadkiisa uga laxaw badan kuwa aan dhalin, balse sheegta. Guul-darradiisii siyaasadeed ayuu u rogay libin qarannimo.

Haddaba, maxaa haatan la gudboon hoggaanka dalka?

1. Inaan qooq siyaasadeed laga qaadin is-casilaadda Jawaari, balse loo arko fursad dahabi ah oo lagu asteyn karo xasillooni siyaasadeed, taas oo ku saleysan wadar-oggol. Wadiiqadda kali-telis waa middii noo horseedday dagaalkii sokeeye, kamana hirgali karto gayiga Soomaaliya.

2. In xoogga iyo xoolaha qaranka lagu bixiyo sidii cadowga ummadda Soomaaliyeed ee Al-Shabaab loo wiiqi lahaa, shisheeyaha dalkeenna kusoo qamaamayna la isaga caabbin lahaa.

3. In la ilaaliyo sarreynta sharciga, oo ay ugu horreyso kala madax-bannaanida laamaha dastuuriga ah ee dalka, sida: Fulinta, sharci dajinta iyo garsoorka. Isku milankoodu wuxuu naafeeyaa hannaanka dimoqraadiyadda, wuxuuna horseedaa burbur.

Haddiise is-casilaadda Jawaari lagu badsado dhibco siyaasadeed, waxaa halis loogu jiraa fitno aan laga soo waaqsan muddo dheer.

Warar Xul ah

NAGULA SAAXIIB BARAHA BULSHADA: Like Saar

107,933FansLike
554FollowersFollow
2,433FollowersFollow

XOGAHA QARSOON

TOP NEWS

107,933FansLike
554FollowersFollow
19FollowersFollow
2,432FollowersFollow

Wararkii Maanta

error: Content is protected !!