- Advertisement -
Dhowaan waxaa la doortay afhayeenka 1aad ee baarlamanka oo uu ku soo baxay Prof. Jawaari, cidna gaar umalaheen guushaasi maxaayeelay xoogag kala siyaasad duwan ayaa ka wada qeeb qaatay, iyadoo beelaha qaar iskaga fogeynayeen  awood qeybsiga dowladnimo in ay u helaan guddoonka baarlamaanka.
 Hase ahaatee, kursiga 2aad loolanka waxuu u dhexeeyay Xildh. Faarax Cabdulqaadir oo matalayay xukumada waqtigeedi dhamaaday iyo musharaxiin siyasadoodu u janjeerto isbedel xagga hogaanka sare ah. Natiijada kasoo baxday waxey afti u tahay in dabeesha siysadeed  ay si xowli ah ugu jihaysantahay  isbedel ku yimaada hogaanka sare ee ay doorashadiisu nagu soo fool leedahay dabayaqada bishaan.
Â
Dadka siyaasada falanqeeya inta badan waxey isku raaceen Faarax oo soo baxo in ay rajo gelin lahayd Madexweyne Xasan Sheikh, islamarkaana soo bixid la’aantiisana ay  ka dhigantahay afti lagu diidanyahay in uu markale Madexweyne Xasan Sheikh xukunka dib ugu soo laabto.
Â
Codeyntii Guddoonka Baarlamaanka ee xildhibaanada waxey kaloo ka tarjumeysaa dareenka shacabka oo la il-darnaa 4-tii sanno ee la soo dhaafay dhibaatooyin fara badan oo xaga nolosha iyo amniga ah, shaqo la’aan baahsan iyo canshuur aan ku dhisneen isla xisaabtan.
Â
Intaa waxaa dheer, loolan adag oo kaga imanaaya musharaxiin cul-culus  oo hogaaminaayo isbedel doonka sida Xildh. Cabdulqaadir Cosoble iyo kuwo hore oo raba iney soo noqdaan sida Madaxweynihii hore Sharif Sheikh Ahmed, iyo weliba Raisul wasaarihiisii Maxamed Cabdullahi Farmaajo. Sidoo kale waxaa loolanka ku jira Raysul-wasaare Cumar Cabdirashiid oo weliba madax ka ahaay xukumadda la rabo in la bedelo.
Â
Wadamada hab-dhaqanka siyasadoodu ay ku saleysantahay nidaamka isdoorashada markii ay afti noocaani oo kale ah timaado mas’uulka hogaanka haya waa uu iska casilaa kursiga iskaba daa in uu dib isku soo sharxo. Natijadaan kadib hadii uu Madaxweyne Xasan iyo raysulwasaarihiisa Cumar ay sii wadaan musharaxnimadooda iyo haddii kaleba waxey koley u mooqataa in ay codeyntii shalay ay tilmaameyso in la rabo in hogaanka sare isbedel lagu sameeyo.Â
Â
W/Q: Xasan Maxamuud Shiino  Â
- Advertisement -