Dhiigga Amina Ma Sahlana! Waxa shacabka Soomaaliyeed ay aad uga nexeen oo qof walba taabatay weerarka lagu dilay Amina Maxamed Cabdi ee ka dhacay xeradda Lama Galaay. Sida la wada og yahay Lama Galaay waxaa ka dhisan teeendhadda lagu qabanayo doorashadda dadban.
Goobta waxaa ku hareersan wabigga Shabeelle hal irid oo amaankeedu adag yahay ayaa laga galaa, waxaana jooga ciidamadda Jabuuti iyo ciidamo deegaanka. Qof walba qadartu waa u imaaneysaa wuxuu sababsadoba amaan iyo amaan la’aanba.
Ilaahayna samir iyo imaan ha ka siiyo qoyskii, ehelkii iyo qaraabadii ay ka baxday Amina Maxamed. Intaa marka laga gudbo, su’aashu waxay tahay maxaa Amino loo beegsaday oo dadka kale loo beegsan waayey ee Lama Galaay ku sugnaa? Sax waaye in waqtigeedi intaa ku ekaa, laakiin waxaa loo baahan yahay in su’aashaa laga jawaabo.
Maxaa ku gaar ah gabadhan? SIda ay sheegeen dad si wanaagsan u yaqaanay qoyska Amina, gabadhan waxay aheyd muslimad aqoonyahan ah oo siiba diinta aqoon fiican u leh. Waxay soo noqotay macalimad, waxayna aheyd qof dhalinyaro ah oo firfircood oo shaqa badan oo bulshadda ka dhex muuqata mustaqbal wanaagsana leh iyo magac wanaagsana leh.
Soomaalida dhaqan uma leh in la dilo dadka bari magersadda ah oo ay ka mid yihiim dumarka, caruurta, waayeelka iyo culumadda. Dhaqan ahaan Amina ma aheyn dadka loo quuro in wax la yeelo. Cid moog ma jirto, in diin ahaana ay reeban tahay in macalimad iyo qof dumar ah la dilo oo dhiigeeda la daadiyo… faafaahinteedana culumadaa kala hadla… Marka, maxaa haray oo Amina loogu dowgalay oo dhibka intaas la eg oo dhaqan iyo diin khilaafsan loogu geystay? Su’aashaa jawaabteedu waxay taabaneysaa meelo badan oo xasaasi ah, waxaase kuu sheegi karaa in haba yaraatee dilka Amina in aan cudurdaar loo heli karin.
Cidii soo maleegtayna waxaa u taalo howl aad iyo aad u culus. Waxaa xusid mudan in Amina ay tirsadeyd baarlanaankii 10-aad, waxayna shacabka Soomaaliyeed ku barteen arrinta aan wali xalka loo helin oo ay ku maqan tahay Ikraan Tahliil oo ka tirsaneyd ciidamadda nabad sugidda. Ka hor, ma aheyn qof si weyn loo yaqaanay… in ay ka hadasho keyska ikraan waxay ka mid aheyd waajibkeedii shaqo, maadaama ay aheyd xildhibaan yaqaana reer Tahliil, kula xisaabtanto cid walba oo eed laga tirsanayo.
Soomaalidu waxay tiraah, “Haddii dhib dhaco dhabaqo meel beeshay “ . Dhiigga Amina ma aha mid sahlan. shacabka Soomaaliyeed marqaati buu ka yahay waxa ku dhacay geesiyadaa. Hadda iyo dan, waxaa loo baahan yahay in si dhaqso ah looga gun gaaro arrinta la xiriirta dilka Amina Maxamed, inta aysan horseedin fidno weyn.
Soomaalidu waxay tiraahdaa, fidnio madax la qabtay leedahay ee mijo la qabto ma leh.” Ugu danbeyn, muddo dheer baa laga digayay in laga baaqsado kutumashadda qaanuunka, dastuurka iyo heshiisyadda lagu dhisay dowladnimadd` nugul ee Soomaaliya.
Hadda doorashadan dadban gabogabo ayeey ku mareysaa, Wax kasta oo dhacbayba waa la dooran hogaanka xigga ee dalka, laakiin dilka Amina Maxamed waa arrin ugub ku ah siyaasadda Soomaaliya haddii ay cadaado in dilkeedu uu yahay mid siyaasad lug ku leh. Waxaa cad oo marag ma doonto ah in ciddii ka danbeysay dilkaa guran uu aad iyo aad u talo xumeysatay, lagula xisaabtamayo goor ay noqotaba aakhiro iyo adduunba.
Qore: Mohamed Mohamud Cadde.
Weriye, Aqoonyahan iyo lafegure arrimaha siyaasadda ee Soomaaliya.
