Fahad Yasiin oo Qeylo-dhaan kasoo saaray weerarka Alshabaab ku qaaday Degaanka Somalida Itoobiya

Agaasimihii hore ee Hay’adda Nabadsugida iyo Sirdoonka Soomaaliya Fahad Yasiin Xaaji Qeylo-dhaan kasoo saaray weerarka Alshabaab ku qaadeen Dowlad Degaanka Soomaalida Itoobiya, iyagoo ka gudbay xadka Soomaaliya.

Fahad Yaasiin ayaa markii ugu danbeeyay ku sugnaa dalka Turkiga, isago ka tegay magaalada Muqdisho ka hor xil wareejintii Madaxweynihii hore Maxamed C/llaahi Farmaajo.

Qoraal uu soo marsiiyey saaxiibadiisa kooxda CBB ayuu Fahad Yaasiin ku sheegay in arrintan ay tahay inaan la dhayalsan oo ay tahay halis, isla markaana wuxuu soo jeediyey qodobo dhowr ah in la qaado.

Hoos ka AKhriso Qoraalka

YAAN LA SAHLANIN SHABAABKA KA TALLAABAY XADKA 

1. In Kooxda argagixisada ah ee Alshabaab ay ka tallaabaan xadka, oo ay gudaha dal daris la ah Soomaaliya ay u gudbaan iyagoo cudud iyo ciidan wata, ayna geystaan weeraro ay dhul kula wareegayaan, oo aan ahayn ku dhufoo ka dhaqaaqii looga bartay iyo khasaare baaxad weyn, waa dhacdo halis ku ah gobolka oo dhan, waana tallaabo ugub ah oo khaldi karta qiyaasta laga qaadan karo dhacdooyinka ku xiga. 
2. Waxaan ku talinayaa in madaxdu qaado qodobadan hoose oo aan ku arko inay muhiim u yihiin amniga qaranka dalkeenna iyo guud ahaan xasilloonida Gobolka Geeska Afrika: 
3. In Dowladda Soomaaliya ay feejignaan muujiso, ayna iska dhaafto sahlashada dhibta dhacday, indhaha ay ku eegeysana ay noqdaan kuwa ka duwan wixii horay ay Argagixisadu u samayn jireen. Waxa dhacay waa wax taaban kara mustaqbalka Gobolka Geeska Afrika oo dhan. 
4. In Golaha Wasiirada si dhakhso ah loo dhiso, si ay shaqadooda u guda galaan, wadankuna uga baxo firaaqa shaqo ee haatan taagan. 
5. In Guddiga Amniga Qaranka uu shir degdeg ah ka yeesho xaaladda khatarta ah, soona saaro