Nin Odey ah oo aan ku kulaney Meel Shaaha laga cabo ayaa waxaa uu I weydiiyey Su’aal ahayd “Dowlada sow ma ahayn Dowladii Shacabka” waxaan ku iri “ Haa waa Dowladii Shacabka” waxaa ii sii daba dhigey “ma aha Dowladii Shacabka” waxaa ku iri maxaa jira adeer markaasuu yiri “ hadii ay Dowlad Shacab tahay maxay uga Xanuunsan waayeen Hooyo iyo Lixdeedii Caruurta ahaa ee Masiibadu ku habsatey ka dib markii uu dab qabsadey gurigoodii oo ku yaaley Degmada Yaaqshiid.
Runtii Ilin baa iga timid waa Dhacdo xanuun badan ilaa hada ma arag Wax masuuliyiin oo ka Hadley Musiibadaas Qoyskaas Soomaaliyeed ku habsatey marka waxaan odeygii u sheegey Laga Bilaabo Madaxda Qaranka , Wasiir , Xildhibaan , Agaasime ay ku Mashquusan yihiin Mooshinkii laga Gudbiyey Mudane Jawaaro marka ilaah ha u Naxariisto Qoyskaas markaasuu yiri “iyadoo la Mashquulsan yahay ayaa dhinaca kale laga war qabaa Shacabka
Ninkii odeyga ahaa ayaa intaas sii raaciyey “Hadii uu Maanta Joogi lahaa Taabit Cabdi Maxamed waxaan hubaa in uu ka damqan lahaa Qoyskaas Masiibada ku habsatey iyo Qoyskii kale ee ku Sumoobey Geed Miroodka ay Cabeen ka dib markii ay waayeen wax ay Dawo ku iibsadaan sidaa Darteed Taabit Waan Aragney Wax Qabadkiisii ,Qoysa badan oo Dhibaato soo gaartey Buu u gargaarey qaar kalena caafimaad Dibada ah ayuu u qaadey” sidoo kale waxaa uu ahaa Shaqsigii uga saameynta balaarnaa Dhibaatadii Qaraxii Soope ,waana mida keentey in uu u Xirto Weerka Guduudan oo Tilmaamayaa in Shacabka weli ku jiraan Dhabaato waxaana Odeygii ku calaacaley “Taabidow waa lagu tabey “ ee Ilaah ha ku soo celiyo
Raiisl Wasaarihi hore ee dalka ingiriiska Devid Cameron ayaa isagoo ka Khudbeynaya Brussels Dhegta loogu sheegey nin Mawaadin ingiriiska lagu diley Dalka mid ah Galbeed Afrika markiiba Khudbadii buu joojiyey wuxuuna yiri “ Ma sii joogi karo waayo Muwaadin Ingiriska ayaa la diley” markiba waa uu soo duuley oo Dalkiisa ku so laabtey marka hal shaqis oo dhibaato la gaarsiiyey ayaasidaa looga damqadey marka sow ayaandaro ma aha in Xukumadii , Xildhibaanadii, Wasiiradii iyo Duqa Magaalada Muqdisho ay ka damqan waayeen Qoyskaas Dhibaatada ku habsatey.
W/D: Amiin Yuusuf Khasaaro
