Saturday, December 4, 2021

GOORMAAN TURKI NOQONAY.?! [Fal-celintii Soomaalida ee Afgembiga Turkiga]

-

- Advertisement -

Dhacdadii Afgembiga fashilmay ee Turkiga waxay mar kale soo shaac bixisay dabeecadda dadka Soomaaliyeed

ee ku dhisan caadifadda iyo qar iska tuurnimada aan lahayn miisaanka diblomaasiyadeed iyo garashada awoodooda.

Madaxweynihii ugu sareeyay dalka wuxuu cambaareyn soo saaray tiiyo aan madow iyo cad la kala garan weliba uu socdo Afgembiga.. Bal ka warrama haddii uu dhici lahaa inqilaabka oo suurageli lahaa?… Halkee dowladeena ilko la’aanta soo istaagi lahayd?.

Culimadeenii qaarkood waxayba si cad ugu baaqeen in dhiiga loo hurayo dowladda Turkiga?!!!  Tolow Madaxweyne Ordogan miyaan u dagaalameynaa shaqsiyadiisa oo noqday DIIN?!!, Goormuu Ordogan noqday lama taabtaan dhiig loo daadiyo?.

- Advertisement -

Madaxdii  dalka, wasiiradii iyo taliyeyaashii ciidamada waxay isku shubeen safaaradda Turkiga ee magaalada Muqdisho iyagoo muujinaya taageero iyo is-garab taag.

Maamulkii Muqdisho wuxuu ku baaqay bannaanbax dadkii degmooyinka qaarkood la isu soo bixiyay intii aanay bannaanbaxyadu ka dhicin Istanbul iyo magaalooyinka Turkiga oo habeenkii xalay ahaa isu soo baxay!.

Dadka Soomaalida waxay buux dhaafiyeen baraha bulshada iyagoo aad moodo inay Turkiyiinta ka wadanisan yihiin, cid waliba calankii Turkiga ayay xiratay, qof kastana waaba Ordogan….!!

Waxay isoo  xusuusisay aakhirkii 1990-kii markii dowladii Siyaad Barre ay sii liiceysay oo xaaladii ugu adkeyd ay ku jirtay dowladnimada Soomaalida, Soomaali fara badan ayaa saf ugu jiray Safaaradii Ciraaq ee Muqdisho oo doonaya in loo qaado dalka Ciraaq si ay uga difaacaan Mareykanka iyo xulafo kale oo doonayay inay Kuweyt ka xoreeyaan Sadaam Xuseen….!!!

Inaad aqoonsan weydo tabartaada, tixgelin weydo duruuftaada, iska ilowdo waaqica aad la nooshahay, waxay ka mid tahay axmaqnimo heerkii ugu sareeyay, waxaase ka sii daran inaan isla qumanahay oo isu heysano dad xaq ku taagan…. TIISA DARYEELAA TU KALE KU DARA..

Caadifadda intaas la eg maxaan dalkeena ugu dhisan weynay..?, Dadnimadan iyo wadaniyadan aan Turki isu bedelnay maxaan Soomaalinimo ugu muujin weynay oon wax uga baran weynay dadka tashaday ee aan iska meteleyno, Maxaan kaliya ugu fiicanahay inaan afka  ka hadalno, isla qab weynaano duni aan qarniyaala ka harnay isku nabnabno, anagoo weliba hoos madow oo dal iyo dad aanay gacan noogu jirin…? Talow goormee khiyaaligan ka baxeynaa oo is aqoonsaneynaa?.

Jawaab celinta Soomaalida dowlad iyo shacab ee Inqilaabkii dhicisoobay ee Turkiga ka dhacay wuxuu mar kale muujinayaa riyo maalmeedka aan ku jirno, mase aha ceeb  inaan taageerto si miyir ku jiro cidii abaal kuu gashay ama aad saaxiibo tihiin sida Turkiga iyo hogaankooda hadda xilka haya.

- Advertisement -

W/Q: Shariif Moalim

- Advertisement -

Qoraalka kama tarjumayo aragtida Mareegta GOOBJOOGE.NET, wuxuuna gaar u yahay qoraaga ku saxiixan.
The views and opinions expressed in this website are those of the authors and do not necessarily reflect Goobjooge.net's editorial stance.

XULKA WARARKA

WARARKA CUSUB

Taliyaha Ciidamada Dhulka oo Qirtay in Kiisaska Ciidamada Milateriga lagu dhammeeyo Xeerjajab

Taliyaha Ciidanka Lugta Gen. Maxamed Tahliil Biixi ayaa ka hadlay ciidamada milateriga ee uu xukumo iyo dhibaatoyinka ay ku hayaan shacabka Muqdisho, kadib markii...

Magaalada Boosaaso oo isu bedeshay Aag Ciidan (Akhriso Xaafadaha la kala joogo iyo Amar lagu soo rogay)

Wararka laga helayo magaalada Boosaaso ayaa sheegaya inay xaaladda magaaladaasi sii adkaaneyso, kadib amar amni oo xalay ka dhaqan galay. Ciidamada amniga Puntland ayaa joojiyey...

Booliska oo shaaciyey magacyada Eedeynayaasha dilay Walaallihii Sowda iyo Sakariye (Akhriso)

Taliska Ciidamada Booliska ayaa fahfaahin ka bixiyey kiisas dil ah oo ay geysteen ciidamo ka tirsan milateriga Soomaaliya oo xalay iyo caawa ka dhacay...

Nin Dhalinyaro ah oo u geeriyooday Rasaas ay ku fureen Ciidamada Dowladda iyo Askartii ka danbeysay..

Waxaa Goor dhoweyd geeriyooday Mahad C/raxmaan Maxamuud oo ay caawa rasaas ku fureen askar ka tirsan ciidamada dowladda xilli uu ku usgnaa Isgoyska Soobe...

DEGDEG: Dad loo qabtay Falkii lagu dilay Sowdo iyo Sakariye (Rasaas Caawa ka dhacday Muqdisho)

Askar ka tirsan ciidamada dowladda ayaa habeenkii labaad rasaas ku furay dad shacab ah, iyagoo dhaawacay qof la socday Mooto Bajaaj. Shilkan ayaa ka dhacay...

Booliska oo ka hadlay Cidda lagu tuhmay Kiiska Walaallaha Zakariye & Sowdo ee lagu dilay Muqdisho

Taliska Ciidamada Booliska ayaa ka hadlay dilka wiil iyo gabar walaallo ahaa oo xalay lagu dilay Isgoyska Dabka ee magaalada Muqdisho. Afhayeenka ciidamada Booliska Cabdifitaax...

Qoyska walaallo lagu dilay Muqdisho oo Go’aan ka qaatay Aaskooda iyo Dalab ay direen..

Ehelada iyo Qoyska laba walaallo ahaa oo xalay lagu dilay magaalada Muqdisho ayaa dalbaday cadaalad, waxayna go'aansadeen inaan la aasin labada marxuum ee ku...

XOGAHA QARSOON

XOG: Midowga Musharixiinta oo Qarka u saaran inay xiriirka u jaraan Rooble iyo Labada tijaabo ee..

Xiriirka u dhaxeeya Ra'iisal wasaaraha xukuumadda xilgaarsiinta iyo Midowga Musharixiinta ayaa gaaray heerkii ugu hooseeyay, kadib qaabka loo maamulay doorashada Golaha Shacabka ee ka...

Maxaa ka jira in Prof. Jawaari uu RW Saacid ka hor istaagay inuu ka hadlo Baarlamaankii 2013? (Xaqiijin)

Maalmahan waxaa baraha bulshada si weyn ugu baahay war ku saabsan in Guddoomiyihii Baarlamaanka Federaalka Prof. Maxamed Sheekh Cusman (Jawaari) uu mudan yahay in...

Maxay ahaayeen Shirkadda Amniga iyo Saraakiisha Caddaanka ah ee lala beegsaday Qaraxii Is-miidaaminta?

Booliska Soomaaliya ayaa xaqiijiyey in saraakiil ka tirsan Xafiiska Qaramada Midoobay ee Soomaaliya lagu beegsaday Qarax is-miidaamin ah oo saaka ka dhacay Magaalada Muqdisho. Warka...

XOG: Laba Arrin oo sababtay inuu Yaasiin Farey noqdo xildhibaanka Dooran ee Kursiga Hop#067

Waxaa maanta shahaadadda musharaxnimada Golaha Shacabka qaatay ku-simaha Agaasimaha Hay'adda NISA Yaasiin C/llaahi Farey oo u sharxan Kursiga Hop#067 ee Baarlamaanka 11-aad. Arrintan oo qeylo-dhaan...

AKHRISO QORMOOYINKA KALERELATED
Recommended to you

error: Content is protected !!