Saturday, February 27, 2021

Hagaajinta sumcadda iyo ixtiraamka Ra’iisal Wasaare Maxamed Xuseen Rooble (Qormo)

-

- Advertisement -

Waxaa aad loo dhalliilay doorka RW Roble ka qaatay ilaalinta xuquuqda Xubnaha Midowga Musharrixiinta Xilka Madaxweynaha u lahaayeen inay sameeyaan bannanbax nabad ah oo usbuuc ka hor lagu dhawaaqay.

Waxaa dastuurka ku cad inaan xukuumadda federaalka looga baahneyn fasax si loo qabto bannaanbax. Waxaase dhici karta dad wax ma garato ah ama fidno wadayaal ah ama daneystayaal ah ay siiyeen RW Roble talo qaldan ama waxaa dhici karta in RW Roble ku fashilmay inuu kala ilaaliyo, kala sooco Xilka Xukuumadda xilgaarsiinta ah iyo faragelinta iyo xadgudubyada Madaxweynaha muddo xileedkiisa dhammaaday farmaajo.

Waa dulmi weyn in dowladda federaalka sameysato bannaanbaxyo lagu taagerayo, lagu ammaanayo, isla markaana xoog ku hor istaagto bannaanbaxa mucaaradka, taaso khilaafsan dastuurka, xaqa iyo sinnaanta siyaasadeed ee muwaadiniinta Soomaaliyeed.
Weerarka Xukuumadda federaalka u adeegsaday hubka culus, dabaabadaha, iyo qalabka kale ee ciidanka Xoogga dalka wuxuu dadka iyo dalka Soomaaliyeed u soo jiiday magacxumo, dhaleeceeyn, iyo kalsooni darro.

Xilka Xukuumadda wuxuu ahaa taagerada habsami u dhaca bannaanbaxa iyo ilaalinta guud ee nabadda. Waxaa Midowga Musharrixiinta faafiyeen barnaamijka bannaanbaxa, saacadda uu bilaabmayo iyo saacadda uu dhammaanayo, iyo mas’uuliiyinta hadlaysa. Waxaa la sheegay in bannaanbaxa lagu qabanayo goob dadweyne (public space) oo dowladda ku qabato bannaanbaaxyada, taaso xaq u siineysa mucaaradka inay ku qabsadaan bannaanbaxooda. Daljirka Dahsoon waa goob dadweyne.

- Advertisement -

Waxaa la yaab lahaa sida xukuumadda isugu dhexyaacday markii Midowga Musharrixiinta ku dhawaaqeen bannaanbaxa, taaso xiiso, ahmiyad , iidheh, iyo guul u noqotay bannaanbaxa qabashadiisa ka hor.

Waxaa intaas soo raacay weerarka saqda dhexe lagu qaaday hotelka Maa’ida ee ay degganaayeen 2 Madaxweyne hore iyo guddoomiye hore barlamaan iyo la dagaalanka xooggaagii sugayay Ammaanka goobta bannaanbaxa iyo la wareegidda goobta, si loo hor istaago bannaanbaxa, waxaana weerarkaas ka dhashay dhimasho iyo dhaawac ay Xukuumadda federaalka mas’uul ka tahay.

Waa dambi qarameed RW Roble qorta ugu jira inkastoo la wada og yahay in Madaxweyne hore Farmajo mas’uul ka yahay dhibaatada dhacday.
Isla marka waxaa subixii lagu weeraray KM4 xubno kale ee ka mid ahaa Midowga Musharrixiinta Xilka Madaxweynaha, dhacdaasoo dibedda iyo gudaha laga daawanayay.

Dhacdadaas waxay beenisay warkii RW Roble ka jeediyay idaacadaha ee uu ku sheegay in dagaalkii saqda dhexe ka dhashay weerar ay soo qaadeen koox hubeysan ee maleeshiyad ah.
Nasiib darro, RW Roble asagoo ogsoon xaaladda nabadgelyo xumo iyo khatarka joogtada ah ee argagixisada dowladda federaalka u taagweysay ayuu idaacadaha ka sheegay in Xubnaha Midowga Musharrixiinta aysan xaq u kaheyn ciidammo gaar u ah ee ilaaliya nabadgelyada naftooda iyo goobaha ay ku kulmayaan, ayadoo la rabay in Xukuumadda federaalka ku taagerto kuna ammaanto is ilaalintooda iyo isku fillaanshahooda.

Madaxweynaha iyo RW ayaa lagu aamini waayay ilaalinta ciidanka Soomaaliyeed oo loo baahday ciidan ka socda dalalka Afrika oo Golaha Ammaanka soo ansixiyay.

Hadalka RW Roble ma aheyn mid munaasib ku ahaa musiibada dhacday saqdii dhexe ee 18-19 Febraayo iyo subixii jimcaha 19 Febraayo 2021. Muwaadiniinta soomaaliyeed waxay xaq u leeyihiin inay adeegsadaan ilaalo gaar ah (Private security) ama ilaalo ay ku kalsoon yihiin oo ehelkooda ah. Waxaa intaa dheer, xaaladda dagaalka sokeeye iyo dagaalka argagixisada al Shabab darted, Madaxdii hore, Xildhibannada BF iyo mas’uuliinta soo qabatay xilal Sare sida saraakiisha Ciidammada waxay xaq u leeyihiin ciidammo dowladda federaalka mushaar siiso ayadoo la tixgelinayo duruufaha dalku marayo.

Waa dulmi, marin habaahin, iyo mas’uuliyad darro in RW Roble ku andacoodo in bannaanbaxa ay soo qabanqaabiyeen ciidammo dowladeed ee hubeysan asagoo ogsoon cidda ku dhawaaqay bannaanbaxa iyo barnaamijka bannaanbaxa oo idaacadaha laga siidaayay.

- Advertisement -

Talada la gudboon RW Roble waxay tahay inuu saxo hadalka taarikh xumada ku ah asaga iyo inta wanaagga la jecel, kuna dadaalo inuu maro dhabbaha waafaqsan dastuurka kmg iyo garashada wanaagsan, cidna ka oggolaan in maalin cad karaamada laga qaado.

W/Q: Dr. Maxamud M. Culusow

- Advertisement -

Qoraalka kama tarjumayo aragtida Mareegta GOOBJOOGE.NET, wuxuuna gaar u yahay qoraaga ku saxiixan.
The views and opinions expressed in this website are those of the authors and do not necessarily reflect Goobjooge.net's editorial stance.

XULKA WARARKA

WARARKA CUSUB

MUQDISHO: Wado muhiim ah oo loo xiray Gaari looga shakisan yahay waxyaabaha Qarxa

Cidamad Amniga ayaa xiray Wadadda aada garoonka Diyaaradaha Muqdisho, agagaarka Isgoyska KM 4, kadib markii Gaari hakaasi la dhigay looga shakiyey qarax. Gaariga...

Faahfaahin: Koox Dabley ah oo fal Dil ah ka geysatay magaalada Beledweyne

Faahfaahin dheeraad ah ayaa kasoo baxeysa dil maanta ka dhacay xaafada Howl-wadaag ee magaalada Beledweyne. Dilka ayaa waxaa ka danbeyay kooox  dabley ah oo weerar...

Maxaa ka jira in Turkigu Waanwaan ka dhex bilaabayo Dacwadda Badda ee Somaliya iyo Kenya..?

Waxaa soo baxay warar sheegaya in Turkiga uu waanwaan ka dhex bilaabayo Dowladaha Soomaaliya iyo Kenya, taasoo ku saabsan xal u helidda Kiiska Dacwadda...

CIA-da Mareykanka oo kashiftay mas’uulkii bixiyey Amarkii lagu dilay Weriye Jamal Kashoqgi

Sirdoonka Mareykanka ayaa shaaciyey warbixn sir ahayd oo laga qoray dilkii Weriyihii caanka ahaa ee Jamal Kashoqgi oo sanadkii 2018 lagu dilay gudaha Qunsuliyadda...

AKHRISO: Magacyada iyo xilalka hogaamiyeyaasha Alshabab ee Golaha Ammaanka xayiraadda saaray

Golaha Ammaanka Qaramada Midoobay ayaa xayiraad ku soo rogay, kuna daray Liiska Shaqsiyaadka ay saaran tahay cunaqabateynka saddex ka mida hoggaamiyeyaasha Al-Shabaab. Hoggaamiyeyaasha Al-Shabaab ee...

Taliye Boolis oo xilkii looga qaaday Dhacdadii Dugsiga Hoyga Xamar iyo mid cusub oo la magacaabay

Taliyaha Ciidamada Booliska Soomaaliyeed Jen. Cabdi Xasan Maxamed (Xijaar) ayaa caawa xilkii ka qaaday Taliyihii Qeybta Weliyow-cadde, iyadoo lagu eedeynayo dhacdadii saaka aroortii...

Jubbaland oo Dowladda Federaalka ka dalbatay inay Aqoonsato Saamileyda Siyaasadda [War-saxaafadeed]

Dowlad Gobolleedka Jubaland ayaa soo dhoweysay heshiishkii dhex maray Dowladda Federaalka ah iyo Midowga Murashaxiinta ee xalay lagu saxiixay Magaalada Muqdisho. Jubbaland waxay dowlada Federaalka...

XOGAHA QARSOON

Maxaa ka jira in Turkigu Waanwaan ka dhex bilaabayo Dacwadda Badda ee Somaliya iyo Kenya..?

Waxaa soo baxay warar sheegaya in Turkiga uu waanwaan ka dhex bilaabayo Dowladaha Soomaaliya iyo Kenya, taasoo ku saabsan xal u helidda Kiiska Dacwadda...

Midowga Musharixiinta oo Shuruudo cusub u diray Beesha Caalamka (Hal Qodob oo ku cusub -Akhriso)

Midowga Musharixiinta Madaxweynaha ayaa qoraal ay u direen Wakiilada Beesha Caalamka ku faahfaahiyey mowqifkooda sida xal loogu helo karo khilaafka ka tagaan fulinta Doorashada...

Maxaa iska bedelay Maxamed Xuseen Rooble..? (Warbixin Kulanka maanta dhex maraya Mucaaradka)

Waxaa maanta lagu wadaa inuu kulankii ugu horeeyay magaalada Muqdisho ku dhex maro Ra'iisal wasaaraha xilka sii haya Maxamed Xuseen Rooble iyo midowga musharraxiinta...

XOG: Rajada Waanwaanta laga dhex wado Rooble iyo Musharixiinta Mucaaradka (3 Qodob oo lagu xiray)

Waxaa si weyn u xoogeystay dadaal ay wadaan ergo wakiil ka ah Ra'iisal wasaaraha xukuumadda xilka sii heysa Maxamed Xuseen Rooble oo lagu doonayo...

AKHRISO QORMOOYINKA KALERELATED
Recommended to you

error: Content is protected !!