Madaxweyne Farmaajo ayaa loo caleema saaray xilka madaxweynenimo ee dalka Soomaaliya xalfad heer sare loo soo agaasimay oo ka dhacday magaaladda Muqdisho.
Maddaxweynaha dhawaan la doortay ayaa lahaa qudbaddii ugu dambeysay ee xalfadda waxaana uu jeeddiyay qudbad inta baddan u badneyd qiirad galinta martiddii hoolka ku sugneyd.
idaa darteeda waxaan idin soo gudbin doonaa qaar kamid ah waxyaabihii laga bartay qudbaddii Madaxweyne Farmaajo, maadaama ay ahayd qudbad dhiira galin u badneyd sidoo kalena ay inta baddan Soomaalida meel kasta oo ay ku sugan yihiin ay ka dhawr sugayeen.
Waxyaabaha lagu bartay waxaa ugu horeysa
- Muujinta inuusan ahayn sidda ay dadka ka dhigeen
Dadka qaar ayaa marka ay arkaan qoddobkan is weydiinaya sababta uu qoraaga u qaatay cinwaanka nuucaan oo kale, balse madaxweyne Farmaajo ayaa shaaca ka qaaday in dowladdiisa aysan ku filneyn waqtiga ay heeysato iyo dib usoo celinta qaranka Soomaaliya oo dib u mideysan.
“waxaan fursadda siineynaa dowladda nagu xigta, anaga oo hubna inaysan suuragal ahayn inaan wadda dhameyno dhamaan howlaha ka dhiman dowladnimadda, kaliya waxaan qaadi doonaa waddadii dowladii hore ay jeexday, waana dhameystiri doonaa waxyaabihii ay qabyeeysan dowladdii walaalkey Xasan Sheekh Maxamuud ,” ayuu Farmaajo ka sheegay xalfaddii caleema saarka.
Madaxweynaha ayaa amaan ugu quweeyay ciidanka Amisom, isagoona sheegay inay qeyb ka yihiin udub dhaxaadka jiritaanka ciidanka Soomaaliyeed, waxaana uu sidoo kale sheegay inay dhawaan soo afjari doonaan ujeeddka ugu weyn ee Amisom oo ah in la gaarsiiyo Soomaaliya oo ciidan jiritaankooda uu wanagsan yahay.
- Dardaaran Alshabaab
Madaxweynaha ayaa dardaaran adag u diray dhalinyarada ka tirsan alshabaab, wuxuuna uu kaga digay inaysan isku qarxin hantida shacaka, aysan hor istaagin hormarka dalka, isagoona u balan qaaday inay siinayaan shaqooyin hadii ay isa soo dhiibaan.
Sidoo kale waxaa uu sheegay inay fursad heystaan madaxda sare ee Alshabaab kuwaas oo xiriirka la leh al Qaacida iyo Isis, waxaana uu sheegay inay laftigooda heystaan fursad wanaagsan oo ay kaga mid noqon lahayeen isbadalka dalka.
- Iskaashiga caalamiga
Madaxweynaha ayaa carabka ku adkeeyay inay soomaaliya iskaashi wanagsan la yeelan doonaa dowladdaha dariska iyo caalamka intoodda kale, si lamid ah madaxweynaha ayaa sheegay inay doonayaan in caalamka ay kala macaamilaan dhanka dhaqaalaha.
- Colaada Gaalkacyo
Madaxweynaha ayaa ka hadlay qiiradiisa ku aadan sido uu u doonayo in la damiyo xiisadda colaadeed ee kusoo noqnoqotay magaladda Bariga dhacda ee Galkacyo.
Wuxuu sheegay in ugu dambeyn ay meel saari doonaan labadda dhinac ee ku dagaalamaya magaaladda isagoona sheegay dhanka kale inuu furi doono gogol nabadeed oo la dhexdhigayo laba dhinac ee ku dagaalaya magaaladda Galkacyo.
Ugu dambeyn maddaxweynaha ayaa ugu baaqay madaxdii hore, shacabka, wakiiladda beesha caalamka, iyo dhamaan cid waliba oo quseeyso arinta Soomaaliya, balse waxaa uu kaga tagay qudbaddana kusoo gabagayay “Soomaaliya Ha Noolaato,”
Waxaa Qoray:
Cabdiwahaab Axmed Cali
