Shir ay magaalada Jabuuti ku yeesheen madaxweynaha dowladda Federaalka Soomaaliya Xasan Sheekh Maxamuud iyo Madaxweynaha Somaliland Axmed Maxamed Maxamuud (Siilaanyo) oo ka dhacay markii ugu horeysay magaalada Jabuuti ayaa laga soo saaray war murtiyeed labada dhinac ay heshiis ku yihiin iyadoo uu door ku lahaa madaxweynaha Jabuuti Ismaaciil Cumar Geelle.
Qodobadda heshiiska marka la eego, lana barbar dhigo heshiisyadii hore u dhex maray labada dhinac ee ka dhacay London, Dubai iyo Istanbul waxaa la oran karaa waa qodobka ku saabsan in Dowladda Jabuuti markii loo baahdo ay ka qeyb qaadaneyso shirarka labada dhinac. Doorka Jabuuti ayaa dad badan sharki ka muujin karaan iyadoo durba ay soo baxayaan dhaliilo ka imaanaya mucaaradka Somaliland.
Guud ahaan waxaa la oran karaa in kulanka labada madaxweyne aanu waxba soo kordhin, kaliyana heshiis lagu yahay in wadahadalku sii socdo, kulanka xigana ka dhaco dalka Turkiga. Labada hogaamiye uma muuqdaan inay go’aan ka gaari karaan sababaha shirarka labada dhinac loo qabtay.
Goobjooge.com
Muqdisho
[ad name=”HTML”]
