Dhammaan dadka Soomaaliyeed, meel kastoo aad joogtiin waan idin salaamayaa, Salaan ka dib, dalka Soomaaliya gaar ahaan Magaalada Muqdisho, waxaa si xawli ugu soo laba kacleeeyey xanuunkii Covic-19.
Sida aad la wada socotaan Hay,adaha caafimaadka ee Soomaaliya ma heystaan qalabkii iyo tasiilaadkii kale ee aay u baahnaayeen si aay ula tacaalaan xanuunkaan saf mareenka ah. Ma jiro Isbitaal ka mid ah Isbitaalada waaweyn ee publica ah ee heysta Oxygen Plant and ama mashiinka dhaliya Oxygen.
Dadka uu soo ritay xanuunka sanadkaan, waa aay ka badan yihiin sanadkii hore, waxaana culeys uu ka jiraa Oxygen la,aan, oo waxaa la isticmaalayey Oxygen aay soo saaraan warshado gaar loo leeyahay oo iyagana wax soo saarkoodu uu yar yahay. Hadaba culeysyada jira ee u baahan in dadka Soomaaliyeed aay u istaagaan waxaa ka mid ah:
• Oxygen la,aan
• Daawo la,aan
• Personal protection la,aan
• Koronto ama Shidaalka lagu shubo matoorka oo kharash u baahan
• Shaqaale u tababaran la tacaalida xanuunkaan
• Ambulances yari….
Maxaa la qaban karaa?:
Waxaa la qaban karaa , in aan sameeyno lacag uruurin, oo aan is abaabulno meel walbo oo aan dunida ka joogno, si aan ugu helno Isbitaaladaas waxaa aay u baahan yihiin. Dhanka kale waxaa Iyana muhiim ah in dadka Soomaaliyeed ee Caafimaadka bartey, lehna cilaaqaadka aay ka caawiyaan Wasaarada Caafimaadka iyo Isbitaalada ineey qalabkaas helaan sida ugu dhaqsaha badan.
Dhanka kale waxaa muhiim ah in lasoo iibiyo Oxygen palnts iyo in aan ka sameeyno lobby wadamada dibadaha, siiba Europe, Amercia, Canada iyo Australia, in loo soo gurmado Somalia.Ganacasatada Soomaaliyeed, waxaa aan wadnaa dedaal arintaan ku saabsan, hase ahaatee waxaa loo baahan yahay dedaal xoog leh oo ballaaran….Gurmadka dhexdeena aan xoojino, ka dib dadka kale waa na caawin karaan.
Ilaaheey aduunka haka dul qaado xanuunkaan
W/Q: C/llaahi Nur Cusman
Madaxa Hormuud Salaam Foundation
