Saturday, August 13, 2022

Warbixin laga qoray Xaalad Amni oo Xildhibaanada cusub Maanta ku qabsatay Afisyoone (Qormo)

-

- Advertisement -

Goor ay barqannimadi maanta ahayd, annaga oo u soconna ka qaybgalka munaasabadda dhaarinta baarlamaanka 11-aad ee Soomaaliya ayaan soo gaarnay albaabka bari oo laga galo xayndaabka garoonka diyaaradaha Aadan Cadde ‘Marina Gate’.

Waxaan saaranahay gaari bas ah oo ay xildhibaanno saaran yihiin, kaas oo naga soo qaaday Akadeemiyadda Tababbarka Ciidanka Boliiska ee Janaraal Kaahiye, halkaas oo noogala soo reebay gawaaridi aan wadannay.

Sarkaal boliis ah oo kamid ah ciidamo Soomaali iyo ATMIS/AMISOM isugu jira oo galista masuul ka ahaa ayaa amray in aan baska ka soo deganno oo aan baaritaan marno. Darawalka baska waday iyo askar boliis ah oo baska la socday ayaa u sheegay in dadka baska saaran ay xildhibaanno yihiin oo marti sharafta kale baaritaanka la marsiiyo.

Wuxuu ugu jawaabay in xildhibaannada iyo marti sharafta kalaba ay qasab tahay in ay si isku mid ah baaritaanka u wada maraan!Xildhibaannada oo baaritaanka u sii dagaya ayuu Janaraal Cabdullaahi Xasan Bariise arkay, wuxuuna amray in baska la fasaxo oo aan xildhibaanno la baari karin.

- Advertisement -

Waxaa durba meel aan fogayn ka soo cararay askari ajnabi ah oo mar kale sheegay in ay qasab tahay in xildhibaanno iyo marti sharaf kalaba ay qasab tahay in ay baaritaanka wada maraan.Janaraalka oo aad caraysan, wajigiisana ay ciil iyo qiiro ka muuqdaan ayaa ku qayliyay “NO, NO, NO …. I said NO!”, darawalka baska waday oo boliis ahaana wuxuu amray in uu dhaqaajiyo.

Askarigi ajnabiga ahaa oo arrinta weli diiddan ayaa askari kale oo ajnabi ah amray in uusan qaadin bir baska ku hor go’nayd! Dood dheer kadib waxaa lagu heshiiyay in xildhibaannada oo aan baska ka degin eey lagu baaro.

Waxaa ugu sii darnayd marki aan teendhada afisyooni gaarnay oo askar Soomaali ah oo gelidda maamulaysay ay nagu amreen in aan xildhibaanno iyo marti sharaf u kala baxno. Aniga oo habdhaqanki askariga ajnabiga ahaa dib u gocanaaya, ayaan u qaatay in sababta la isku kala bixinaayo ay tahay in askarta Soomaalida ah ay rabaan in ay xidhibaannada maamuus gaar ah siiyaan.

Ha yeeshee, ujeeddadooda waxay noqotay in ay rabeen in ay xildhibaannada xaadiriyaan, kadibna si isku mid ah ayay gacanta noogu wada baareen, iyaga oo noo sii gudbiyay qayb kale oo mashiinnada wax lagu baaro ay yaalleen!Inkasta oo muuqaalka meesha yaalla uusan qurxanayn, wuxuu haddana na tusayaa heerka ay gaarsiisan tahay khatarta iyo kala aaminbaxa dalka ka jira.

Waxaan bogaadinayaa xildhibaannada oo qayb maamuuskooda kamid ah uga tanaasulay si ay dhaarta uga qaybgalaan. Waxay u muuqdeen in ay ka go’an tahay in ay daruufta adag ee dadka iyo dalka haysata ka samatabixiyaan.

Towfiiqda Alle ha waafajiyo.

May be an image of one or more people and suit

W/Q: Mustafe Maxamed Cali

- Advertisement -

Qoraalka kama tarjumayo aragtida Mareegta GOOBJOOGE.NET, wuxuuna gaar u yahay qoraaga ku saxiixan.
The views and opinions expressed in this website are those of the authors and do not necessarily reflect Goobjooge.net's editorial stance.

XULKA WARARKA

WARARKA CUSUB

Xeeladaha Muddo kororsiga ee Muuse Biixi kala mid yahay Maxamed Farmaajo (Qormo)

Madaxweynaha Somaliland Muuse Biixi Cabdi ayaa lagu eedeeyay inuu doonayo muddo kororsi uu xafiiska kusii joogo kadib Novembar 2022 o ay ku egtahay middo...

Lafta-garen oo guddoomiyey Shir degdega oo ay ka qeybgaleen Saraakiil Ingiriis iyo Itoobiyaan ah.

Madaxweynaha maamulka Koonfur Galbeed Cabdicasiis Xasan Maxamed (Laftagareen) oo dhowaan kasoo laabtay dalka Itroobiya ayaa shir gudoomiyey Shir Amni degdeg ah. Shirkan oo ka dhacay...

Xog laga helay Ninka 24 sano jirka ah ee Tooreyda ku weerarray Salman Rushdi iyo xaalad halis ah..

Faahfaahin dheeraad ah ayaa laga helayaa Nin dhalinyarro ah oo shalay Weerar Toorey loo adeegsaday ku qaaday qoraaga Salman Rushdi oo Buug uu qoray...

Itoobiya oo Korontadii labaad ka dhalisay Biyo Xireenka GERD iyo Masar oo dacwad u gudbisay..

Itoobiya ayaa Khamiistii bilowday inay koronto kasoo saarto Qeybta labaad (Marwaxadaha labaad) ee biyo-xireenkeeda weyn ee Nile, iyadoo ay si weyn uga horjeedaan tallaabadan...

Qoraagii ku caan baxay Aflagaada Diinta Islaamka oo 15 Jeer lagu Mindiyeeyay magaalada New York

Qoraagii ku caan baxay Buugga uu ku aflagaadeeyay Diinta Islaamka ee Salman Rushdie ayaa maanta weerar lagu qaaday, iyadoo 15 jeer Mindi lagu dhugfay...

Natiijadii ugu danbeysay Doorashada Madaxweynaha Kenya oo Cabsi dhalisay iyo xog cusub

Dalka Kenya waxaa la wada sugayaa natiijada doorashada guud ee dalkaasi iyo cidda noqon doonta madaxweynaha cusub, iyadoo ay soo baxday eedeyn ka timid...

Ciidamada Booliska oo Muqdisho ku qabtay Koox falal Burcadnimo ah ka geysatay degmooyin badan

Ciidamada Booliska magaalada Muqdisho ayaa shaaciyey inay gacanta kusoo dhigeen Burcad la sheegay inay dhac ka geystaan xaafadaha magaalada Muqdisho. Koox ka kooban toban dabley...

XOGAHA QARSOON

Ololaha socda ee Ansixinta Xukuumadda RW Xamza (Dhinacyada diidan iyo Rajada kaliya ee jirta)

Waxaa magaalada Muqdisho ka socda dadaallo iska horjeeda oo ku saabsan ansixinta Golaha Wasiirada cusub ee uu soo dhisay Ra'iisal wasaare Xamza Cabdi Barre. Xubnaha...

5 Arrin oo ku cusub Golaha Wasiirada Xukuumadda Xamza Barre (Roobow, UPD iyo Wasaaradda..)

Golaha Wasiirada cusub ee maanta la shaacinayo ayaa waxaa soo baxaya arrimo cusub iyo isbedel lagu sameeyay qaab dhismeedka xukuumadii hore iyo shaqsiyaad aan...

Waa kuma Sheekh Muqtaar Roobow Cali..? (Wadaadka Xabsiga loogu bedelay xilka Wasiirnimo)

Muqtaar Roobow Cali (Abuu mansuur) oo muddo 3 sano u xirnaa dowladii Madaxweynihii hore ee Farmaajo ayaa maanta 2 Ogost 2022, loo magacaabay Wasiir...

Yaa noqonaya Ra’iisal wasaare ku xigeenka cusub? (Wasiirada cusub oo looga yeeray)

Maanta ayaa ugu danbeyn la filayaa in lagu dhawaaqo Golaha Wasiirada xukuumadda Federaalka Soomaaliya, kadib dib u dhac shalay ku yimid xaflad loo diyaariyay. Liiska...

AKHRISO QORMOOYINKA KALERELATED
Recommended to you