Sunday, December 15, 2019
More

    Yuusuf Garaad: “Lama fududeysan karo geerida Almaas Elman & goobta ay xabbaddu ku dishay”

    Wasiirkii hore ee arrimaha dibadda Soomaaliya Yuusuf Garaad Cumar, ahna saxafi weyn ayaa soo bandhigay qaabka loo baari karo falkii sababay inay geeriyooto Almaas Elman Cali Axmed oo xabbad kula dhacday gudaha xarunta Xalane ee Muqdisho u geeriyooday 20-kii bishan.

    Yuusuf Garaad oo tacsi u diray waalidka marxuumadda, walaalaheed, qoyska iyo saaxiibbadeeda, ayaa dhinaca kale sheegay in Goobtu ay ahayd gudaha xeyndaabka oo lagu tilmaamo in aad loo ilaaliyo. Kana fogeyn dhabbaha ay diyaaraduhu ku rooraan marka ay kacayaan iyo marka ay soo caga dhigtaan iyo waliba hool lagu doortay laba Madaxweyne iyo laba Guddoomiye Baarlamaan.

    Ad

    “Waa lama huraan in la sameeyo baaritaan sax ah, cilmi ku qotoma oo su’aalaha macquulka ah ee taagan u hela jawaabo aan la burin karin. Haddii qalliinka xaqiiqa doonka ah ee geerida dabadeed lagu hayo xagasha ay xabbaddu ka gashay jirka Almas, lana helo joogga ay dhulka ka sarreysay meesha ay xabbaddu uga dhacday. Waxaa fududaaneysa in la helo barta ay xabbaddu dhulka uga dhici lahayd, haddii aanay Almas ku dhici lahayn iyo xagasha ay dhulka la sameyn lahayd..” ayuu yiri Yuusuf Garaad oo tilmaan ka bixiyey qaabka loo baaro dhacdooyinka noocan oo kale ah.

    Wuxuu intaas ku daray in marka intaas la helo, aysan dhib badneyn in qiyaas xisaab ku qotonta lagu soo saaro jihada ay xabbaddu ka timid iyo marinka ay hawada ka soo jeexday halka uu ahaa. Wuxuuna sii raaciyey: “Xabbadda maaddaama la hayo, haddii loo abtiriyo oo la ogaado nooca qoriga ay ka dhacdo, masaafada ay gaari karto iyo xawaaraha ay ku safarto, lana og yahay barta ay dhulka uga dhici lahayd iyo xagasha ay kula dhici lahayd, waxaa fududaaneysa in la garto halka xabbaddaas laga soo riday. Joogga in la soo saaraa ma dhib badna. Waa cabbirka oogada kursiga gaariga ay fuushaneyd uu ka sarreeyo dhulka oo lagu daray jooggeeda fadhiga ah oo ku eg barta ay xabbaddu uga dhacday..”

    Tilmaamaha uu bixiyey ayuu ku dooday Yuusuf Garaad inaysa ahayn wax uu iska mala awaalayo ee ay yihiin baaritaan noociisa oo kale caalamka hore loo adeegsaday, wuxuuna qoraalkiisa ku soo gabagabeeyay: “Marka intaas jawaab loo helo ayaa laga shaqeyn karaa sidii caddaalad loogu heli lahaa marxuumadda, loona xaqiijin lahaa in uu sugan yahay amniga garoonka, kan hoolka doorashada iyo shirarka waaweyn oo la isku halleyn karo”.

    Warar Xul ah

    NAGULA SAAXIIB BARAHA BULSHADA: Like Saar

    131,740FansLike
    1,345FollowersFollow
    3,609FollowersFollow
    131,735FansLike
    1,345FollowersFollow
    3,609FollowersFollow

    WARARKA UGU SHIDAN

    error: Content is protected !!