Wednesday, July 9, 2025

10 Qodob oo looga maarmi karo iney isku dhacaan Muuse Suudi & Dowlada Dhexe (Qormo)

-

Waxaa muuqata in looga sii daraayo muranka dhuleed ee xildhibaan Muuse Suudi Yalaxoow iyo Dowladda dhexe. Sida ay wax ku socdaan Muuse iyo Dowladda midna sumcad kuma heli doonto, waana nasiib daro inuu jiro qof masuuliyad haya oo maanta ka fakaraya inuu dhiig daadiyo.

10-kan qodob ayaa looga maarmi karaa iney gacanta isula tagaan Muuse Suudi iyo Dowlada Dhexe:

1-Muuse Suudi hada waa xildhibaan ka tirsan Dowladda Federaalka ah, wuxuu lee yahay xasaanad waana in midaas lagu xushmeeya, oo aan arrintiisa awood loo isticmaalin. Hadii aanan xasaanada la isku xushmeyn , oo aan waxa qoran ee lagu wada joogo lagu dhaqmin sadaasha dambe ma fiicna.

2-Madaama uu ku doodayo in dhulkaan uu hubkiisii uga badashay Dowladii madaxweyne Cabdulaahi Yuusuf, Dowlada hada jirta waxaa la gudboon iney arrinkaa xaqiijiso kadibna hadii doodiisu sax tahay laga fakaro badal kale sida in lacagtii hubkiisa la siiyo, in dhul kale loo raadiyo iwm.

3- Madama uu jiro sharci dhigaya in Dowladu ay dib uga laaban karto bixinta dhulkeeda ,waa inuu Muuse ogaada sharciyada qaar iney qabanayaan, oo uu isna xaal mastuur wax ku raadiyaa.

4- Eng Yariisow wuxuu u muuqday nin aan nabadoon aheyn oo xaalada uga sii daraya, laakiin wuxuu iloowsan yahay inuu yahay duqa Muqdisho, oo qofkii halkaan ku dhinta ama ku dhawacma uu yahay shacabkii madaxda looga dhigay inuu badbaadiyo, lagulana xisaabtami doono.

5-Waa in la qiimeeyaa, hadii arrinta dagaal lagu xaliyo sida uu noqon doono xiriirka amni iyo isfaham ee dhex mari kara dadka deegaankaas oo hal qoys ah iyo cid kasta oo halkaas lagu wareejiyo Ganacsato ama Safaarado.

6- Inta badan safaaraduhu kuma dhiiraadan iney dagaan dhul dad shacab ah dagan yihiin ama dad heystay xoog looga qaaday. Hadii meesha uu dhiig ku daato waxaa dhici karta in safaaraduhu diidan iney dhulkaas dagaan.

7- Muuse iyo saaxiibadisii hore ee hogaamiye kooxeedyada waaba fahanay, oo waa aragnay,laakiin qofkii madaxda maanta ka tirsan ee intii uu xilka hayo dad lagu laayo Xamar amarkiisa ama dagaal ka abaabula maxaan ugu wici doonaa, mida kale sidey uga baxsan doonaan sharciyada caalamiga ah ee maanta aduunka ka jira iyo dalalka ay intooda badan sharciyada ka heystaan (Tii aaqirana waa is xasuusineynaa).

8- Dowladda madaxweyne Farmaajo waxaa laga rabaa iney qiimo u yeesho saxiixyada iyo amarada madaxdii ka horeysay, hadii kale waxaa dhici doonta in qofka xafiiska ka badala uu qaadaco, oo uu diido wax walba oo uu Farmaajo bixiyay, saxiixay ama amray. (Isku xirka Dowladnimada yaan lagu ciyaarin).

9-Xubnaha Aqalka Sare waa iney muranka xildhibaan Muuse iyo Dowlada dhexe soo fara galiyaan madaama uu aqalkooda ka tirsan yahay Xaajigu, oo ay ka hadlaan, madaxda sare la fariistaan, Muuse la hadlaan, oo ay xal raadiyaan.

10-Saxaafada madaxa banaan waa ineysan arrinta uga sii darin, oo aan shacabka la kicin. Saxaafadu waa iney dhiiri galisaa in sharciga la wada aado, oo arrinta qaab nabadoon lagu xaliyo. Siyaasiyiinta mustaqbalka leh aad ha uga dhowrsadaan gacan ka hadal.

Waxaa Qoray: Abdullahi Osman Farah

Qoraalka kama tarjumayo aragtida Mareegta GOOBJOOGE.NET, wuxuuna gaar u yahay qoraaga ku saxiixan.
The views and opinions expressed in this website are those of the authors and do not necessarily reflect Goobjooge.net's editorial stance.

XULKA WARARKA

WARARKA CUSUB

Alshabaab oo la wareegtay degmada Moqokori iyo Wararkii ugu danbeeyay..

Wararkii ugu danbeeyay ee Gobolka Hiiraan ayaa sheegaya in xaalad adag ay ka taagan tahay Bariga gobolka. kadib weerraro dhowr jiho ah oo Alshabaab...

Faahfaah: Qarax is-miidaamin ah oo Shabaab ku qaaday Moqokori iyo Hoggaamiye lagu dilay

Faahfaahin dheeraad ah ayaa kasoo baxeysa Qarax is-miidaamin ahaa oo saaka ka dhacay degmada Moqokori ee gobolka Hiiraan, kaasoo ay sheegatay Alshabaab. Qaraxa ayaa loo...

Dagaalkii Siyaasadeed Xasan Sheekh iyo Siciid Deni oo gaaray Gobolka Sanaag iyo Xiisad ka taagan

Gobolka Sanaag ayaa galay xaalad cusub, iyadoo ay ka socdaan dhaqdhaqaaqyo siyaasadeed iyo olole lagu doonayo in degaanada Sanaag ku biiraan maamulka SSC-Khaatumo.Guddoomiyihii hore...

Shirkii Madaxweyne Xasan iyo Madasha Mucaaradka oo la isku mari waayay (ma burburay mise..?)

kulankii labaad shirka Madaxweynaha Dowladda Federaalka Soomaaliya iyo Madasha Samata-bixinta Mucaaradka ayaa maanta ka dhacay xarunta Madaxtooyada ee Villa Somaliya.War kooban oo kasoo baxay...

FAAHFAAHIN: Dad yar oo ka badbaaday Diyaaraddii AUSSOM ee ku burburtay Garoonka Muqdisho

Faahfaahin dheeraad ah ayaa laga helay diyaarad nooca Helicopter-ja ah oo ay lahaayeen ciidamada Midowga Afrika ee howlgalka AUSSOM, taasoo kasoo kacday garoonka Ballidoogle...

Dhalinyarro careysan oo bannaanbax Careysaan ka dhigay magaalada Muqdisho iyo Rasaas loo adeegsaday

Dhalinyarada ku shaqeysata Mootada dhugdhugleyda ee loo yaqan Fekon-ta ee aya maanta bannaabax careysan ka dhigay caasimadda Muqdisho, iyagoo xirtay Isgoyska muhiimka ah ee...

Madaxweyne Xasan Sheekh oo Calan-saarkii iyo xuskii ugu weynaa u sameeyay 1-da Luulyo (Sawirro)

Madaxweynaha Jamhuuriyadda Federaalka Soomaaliya Xasan Sheekh Maxamuud ayaa xalay iyo maanta si aan hore loo arag u xusay munaasabadda xoriyadda gobollada Koonfureed iyo midowgii...

XOGAHA QARSOON

XOG: Is-faham laga gaaray wadadal toos ah oo dhex Madaxweyne Xasan Sheekh iyo Sheekh Shariif

Wadahadallo si hoose ugu socday Madaxweynaha Soomaaliya Xasan Sheekh Maxamuud iyo hogaamiyaha Madasha Mucaaradka Shariif Sheekh Axmed ayaa la sheegay in horumar laga gaaray.Ilo...

XOG: Sababta dhalisay in xilka laga qaado Agaasimihii Hay’adda NISA C/llaahi Sanbaloolshe

Xog hoir leh ayaa laga helayaa sababta xil ka qaadista Agaasimihii Hay’adda Nabad-sugidda iyo Sirdoonka ee NISA Cabdullaahi Maxamed Cali (Sanbaloolshe).Agaasime Sanbalooshe ayaa xilka...

XOG: Wararkii ugu danbeeyay ee Xil ka qaadista Agaasimaha Hay’adda NISA C/llaahi Sanbaloolshe

Waxaa mar kale socda dadaal loogu jiro in lagu qanciyo Agaasimaha Sirdoonka iyo Nabadsugidda ee NISA, Cabdullaahi Maxamed Cali (Sanbalooshe) oo xil ka qaadistiisa...

XOG: Maxaa ka jira in Madaxweyne Xasan Sheekh uu luminayo taageerada Mareykanka?

Waxaa dhowaan baraha bulshada iyo qaar ka mida Warbaahinta Soomaalida lagu faafiyay Wararka ku saabsan in Aqalka Cad ee Mareykanka uu si weyn uga...

AKHRISO QORMOOYINKA KALERELATED
Recommended to you