Sunday, March 26, 2023

Fahad Yaasiin oo Qormo Baroordiiq ah ka qoray Geerida Jeneraal Farxaal Qaroole

-

- Advertisement -

FARXAANOOW; NAFTAADII DALKAAD U HIBEYSAY, GEERIDAADIINA QULUUBTII DADKAY MIDEYSAY

Kumuu ahaa Janaraal Farxaan Maxamuud Aadan (Qaroole)?

Wiil dhalinyara ah oo gaaban, oo misana caata ah, oo hadana bar-yar, bashaash ah, sida magaciisa ka muuqato aad Farxaan u ah,fariid-nimana u dhashay, fiiro dheer, hadal yar, misana qorshe dajisan kara, qarankiisa iyo madaxdiisana daacad u ah, dhiigiisa iyo dhididkiisana u huray dalkiisa, godkii Jannadana u galay (Insha’allaah) isagoo difaacaya sharafta iyo jiritaanka umadda Soomaaliyeed.

Magaciisa siduu u faafay, siduu u jin yaraa, iyo da’iisa siday u yarayd, intaas kaliya sabab uma noqon karin darajada uu gaaray ee wuxuu maqaam sare ku mutaystay daacadnimada, hawlkarnimada, wadaniyadda iyo qaran jacaylka qalbigiisa ku abuurnayd.

- Advertisement -

Wuxuu kamid ahaa dhawr dhalinyaro ah, aan ku bartay shaqada amniga iyagoo ah saraakiil dhexe, wuxuuna aad u jeclaa inuu mar walba waxbarto oo uu aqoon ciidan kororsado, wuxuu qayb ka ahaa ciidankii laga wareejiyey Nabadsugidda ee loo wareejiyey Booliska.

Ma uusan iska dhigin Sarkaal xil raadinaya ee wuxuu la xarooday askar tababar loo xaraynayey oo lagu aasaasay ciidankii Haramacad, wuxuuna galay dufcad tababar ku qaadatay Xamar iyo Turkiya.

Wuxuu soo laabatay isagoo helay aqoon Boolis, iyo tababarka hawlgallada gaarka ah, waxaana loo magacaabay Taliyaha ciidanka gaarka u tababaran ee Haramcad. Wuxuu lahaa sifo ay aad ugu yar tahay hoggaannada ciidanka, taasoo ah inuu saaxiib dhaw la ahaa ciidanka uu madaxda u yahay iyo inuu daacad u ahaa qarankiisa.

Dowladihii kala duwanaa ee dalka soo maray, intaba si daacad ah ayuu u gudanayey shaqada qaran, waana sababta dawladdii timaadaba ay u aamintay, oo uu mustaqbalkiisa mar walba horumar u gaarayey.

Saddex qolo ayaa mudan inaan uga tacsiyeeyo geerida xanuunka badan ee ku timid walaalkeen Halyeey Jeneraal Farxaan Maxamuud (Qaroole).

Qolada koowaad waa qoyskiisa oo ay ugu horreeyaan waalidkiisa, xaaskiisa iyo caruurtiisa. Waxaana leeyahay, geeridu waa xaq ee samir iyo iimaan Allaha idin ka siiyo, marxuumkana Jannadii Alle ha geeyo, ilmihiisa iyo qoyskiisana Allaha dhawro oo barakeeyo, waalidkiisana waxaan si gaar u leeyahay qadarta ilaahay raalli ku noqda, rabigii abuuray ee koonka keenay baa haddana naga ceshaday.

Qolada labaad waa Madaxweynaha iyo Ciidanka Booliska Soomaaliyeed.

- Advertisement -

Madaxweynaha Jamhuuriyadda Mudane Xasan Sheekh Maxamuud, ahna Taliyaha guud ee ciidamada qalabka sida, waxaan leeyahay Mudane Madaxweyne waxaan kula

qaybsanaynaa xanuunka iyo tacsida geerida ku timid Jeneral Farxaan Qaroole, oo maanta Shahiiday isagoo gudanaya waajibka qaran ee aad fartay oo ah la dagaallanka Argagixisada.

Madaxweyne samir iyo Iimaan Allaha kaa siiyo, waxaana kuu rajaynayaa inaad ku guulaysato horumarinta tayada ciidanka iyo nabadayta qarankeena. Sidoo kale, ciidanka Booliska ee uu kamid ahaa Jeneraal Farxaan, waxaan kusii adkaynayaa in geerida Shahiidka qaranka Farxaan, ay ku dhaliso dhiiranaan iyo dhiigga iyo dhididka in loo huro dalka iyo dadka soomaaliyeed.

Qolada Sadexaad waa Shacabka Soomaaliyeed.

Waxaan leeyahay, ogaada in dalkii ay u kaceen dhallinyaro waddaniyiin ah, leh xirfad iyo tababar ciidan oo sare, qarankoodana daacad u ah, kana mid ah qaybaha kala duwan ee Ciidamada Qalabka sida. Sidaas darteed, boqollaal Farxaan oo kale ah oo booskiisa buuxiya, shacabkoodana difaaca

waan leenahay, waxaana ilaahay ka baryeynaa in madaxda qaranka uu haleeshiiyo in ay soo saaraan awoodda iyo tayada dhallinyarada kor u qaadi kara rajada iyo niyada shacabka Soomaaliyeed.

- Advertisement -

Walaalkay Farxaanoow, waan ogahay inaysan ku soo gaaraynin fariintan, laakiin waan ku khasbanahay inaan kuu soo diro. Farxaanoow, inaad jid xaq ah ku dhimatay, inaad dalkan daacad u ahayd, inaad sarkaal qaran ahayd ood ka saraysay siyaasadda waxaan

ku gartay, madaxdii umadda Soomaaliyeed oo dhan, khilaaf kasta oo dhexdooda yaalay, intey gees isaga dhigeen.

Waxaa mideeyey iney kuu wada duceeyeen, kuwada amaaneen, iyagoo kuwada jecelna aad Shahiiday. Naftaadii dalkaad u hibaysay, geeridaadiina dadkay midaysay. Rabigay Jannada guri hakaaga yeelo, danbigaaga aduun xasanaad hakuugu baddalo, annagana gadaashaa Eebe nama fitneeyo.

W/Q: Fahad Yaasin Xaaji

La-taliyihii hore ee Amniga Qaranka

- Advertisement -

Qoraalka kama tarjumayo aragtida Mareegta GOOBJOOGE.NET, wuxuuna gaar u yahay qoraaga ku saxiixan.
The views and opinions expressed in this website are those of the authors and do not necessarily reflect Goobjooge.net's editorial stance.

XULKA WARARKA

WARARKA CUSUB

Xasan Sheekh oo shaaciyay sababta Alshabaab ugu harsan yihiin Degaanada qaar

Madaxweynaha Soomaaliya Xasan Sheekh Maxamuud ayaa sheegay in meelaha ay Alshabaab ku harsan yihiin ay tahay degaanada aysan dadkoodii weli kicin. Isagoo ka hadlayey degmada...

MD. Xasan Sheekh oo ku dhawaaqaya bilowga Wejiga labaad ee Dagaalka Alshabaab

Madaxweynaha Soomaaliya Xasan Sheekh Maxamuud ayaa saaka gaaray degmada Aadan-yabaal ee gobolka Shabeellada Dhexe. Wafdiga Madaxweynaha waxaa Aadan yabaal kusoo dhoweeyay madaxweynaha Hirshabeelle Cali...

Odayaal ka socda Hawiye iyo Digil/Mirifle oo Waanwaanta Laascaanood u tegay Garowe

Waxaa magaalada Garowe maanta gaaray odayaal dhaqan oo ka kala socda beelaha Hawiye iyo Digil/Mirifle oo ujeedkoodu yahay inay waanwaan ka galaan colaadda magaalada...

Madaxweyne Xasan Sheekh ma fadhiyo Villa Somalia ee waxaa lagu hayaa Imaaraadka (Qormo Culus)

Madaxweyne Xasan Sheekh Maxamud-kii aan aqiinay ee ay Soomaali dooratay ma arko, qof u eg balse aan aheyn Xasan Sh Maxamud-kii runta ahaa ayaa...

Guddoomiyaha Hiiraan oo Dhowr bilood kadib ku laabtay Beledweyne, kuna dhawaaqay..

Gudoomiyaha Gobolka Hiiraan Cali Jeyte Cismaan ayaa maanta dib ugu laabtay magaalada Beledweyne ee Gobolka Hiiraan, kadib markii uu muddo dheer ka maqnaa Gobolka. Cali...

Faahfaahin laga helay Weerarkii Alshabaab ee Ruun-Nirgood iyo Qasaaraha ka dhashay..

Faahfaahin ayaa laga helayaa dagaal ay Alshabaab ku qaadeen xaruntii ciidamada dowladda ee Degmada Ruun Nirgood, kaasoo geystay qasaare culus. Wararka laga helay dadka degaanka...

Taliyaha Booliska oo Shaqadii ka eryay Askari lagu faafiyey Baraha Bulshada iyo Maxkamad..

Taliska Ciidanka Boliiska Soomaliyeed ayaa shaaciyey in la qabtay Askari Boolis ah oo dhibaateeyay qof shacab ah, kaasoo muuqaal laga duubay lagu faafiyey Baraha...

XOGAHA QARSOON

XOG: Maxay Kooxda Ahlu-Sunna ku heysataa Wasiir Mukhtaar Roobow..?

Culimada Dariiqooyinka ee loo yaqaan Ahlu-Suna ayaa sheegay inay xiriirka u jareen Wasiirka Awqaafta iyo Arrimaha Diinta Sheekh Mukhtaar Roobow Cali oo muddooyinkan danbe...

Madaxweynaha Uganda oo shaaciyay tirada Askarta loo tababaray Dowladda Somaliya

Madaxweynaha Uganda Yoweri Musaveni oo shalay madaxweynaha Soomaaliya kala qeyb galay xafladii lagu soo xirtay tababarka ciidamada Soomaaliya ayaa sheegay tirada ciidamada iyo meelaha...

Siyaasiyiin Caan ah iyo xildhibaanno ka hor yimid Muddo kororsiga Xasan Sheekh iyo Baarlamaanka

Kadib markii uu soo shaac baxay Qorshaha muddo u kororsiga ah ee Madaxweynaha Soomaaliya siyaasiyiinta iyo xildhibaannada ka horjeeda Mooshinka Muddo kordhinta ee laga...

Khilaafaad iyo Musuq Hareeyay Wasaaradaha Xukuumadda Xamsa iyo Wasiir is casilay

Khilaafaad maamul iyo Musuqmaasuq ku saabsan Qandaraasyo la bixiyey, shaqaale la eryay oo Boosaskooda qaar kale lagu bedeshay iyo Adeegyo loo xiray shirkado iyo...

AKHRISO QORMOOYINKA KALERELATED
Recommended to you

error: Content is protected !!