Thursday, September 23, 2021

Marna kali talis xal uma arko, haddii Farmajo leeyahay kala doorta Aniga, Alshabab &.. (Qormo C/raxman C/shakur)

-

- Advertisement -

W/Q: C/raxman C/shakur Warsame

Soddon sano ka hor maanta oo kale ayey Dowladdii Dhexe ee Soomaaliya duntay. Waxaan ahaa nin dhalinyaro ah oo dugsi sare soo dhameeyey, labo sano oo gurmad ah soo maray, dalkiisana shaqo iyo waxbarasho ka waayey, waxaan noqday xerow masaajida kitaabaha ka raacda.

Jabhado hubeysan ayaa rajiimkii kali taliska ahaa xukunka xoog kaga tuuray, kaddib markii lagu kari waaye in uu talada si nabad ah ku wareejiyo. Jabhadihiina taladii dalka iyo kala guurkii siyasadeed way ku heshiis waayeen.Toban sano kaddib ayaa magaalada Carta ee dalka Jabuuti Dowlad ku meel gaar ah lagu soo dhisay.

Toban kale ayey qaadatay in ku meelgaarkii laga baxo oo dunida laga aqoonsado dowladdeennii. Dowladda Soomaaliya waa mid taag daran oo tabar yar. Kooxda Al-Shabaab ee argagexisada ah waa xoog halis ku ah jiritaanka Dowladda, waxeyna doonayaan in ay dumiyaan. Dhinaca kale, waxaa jira xoog ay dunidu (Golaha Ammaanka) usoo xilsaaratay in uu Dowladda taagta daran ilaaliyo waana (AMISOM).

- Advertisement -

Xoogagga kale oo soo haray ee uu ugu horreeyo madaxweynaha, xukuumadda, labada aqal ee Baarlamaanka, Dowlad Goboleedyada, xisbiyada, siyaasiyiinta, waxey ku loolamayaan hoggaanka iyo talada ku habboon in dalka lagu hago, loogana saari karo taag darrida. Loolaankaas, waxaa garsoore ka ah qolada soo dirtay ciidanka ilaalada ah; waa beesha caalamka sidey u kala tun weynyihiin ayaa tweet koodu u kala tabar badanyahay.

“Kuma jiro kuwa u shalleysan kaligii taliskii hore ee dalka dagaalka sokeeye geliyey.

C/RAXMAN C/SHAKUR WARSAME

Maanta waxaa mugdi ku jiraa masiirkii doorashada iyo maareyntii xilliga kala guurka. Loomana sina ee Masuuliyaddeeda waxaa leh ninka dadka ugu xilka weyn oo ah Madaxweynaha. Nasiib darro waxaa ah in Madaxweyne Farmaajo uusan u fahamsaneyn in qabashada doorasho la isla oggolyahay oo si nabad ah ku dhacdaa ay guulihiisa wax qabad ka mid tahay. Taariikhdu waa tagto, haddana nool waa haddii lagu cibra qaato.

Cabsi weyn kama qabo in uu dhacayo dagaalkii billawgii sagaashankii oo kale. Sababtoo ah Soomaalida intii dalka joogtay, ama xeryo qaxooti ee dalka kale ku jiraa, silac iyo hoog nooc kasta leh ayey arkeen, intii qurbaha u qaxdayna nolol dabacsan, duni horumartay iyo ilbaxnimo ayey soo arkeen.

Haddii xoogagga uu madaxweyne Farmaajo ugu xil weyn yahay is fahmi waayaan, waxaa qasab ah in xoogagga kale, Al-Shabaab ama AMISOM midkood magan loo noqonayo. Haddiise Farmaajo leeyahay “ Aniga, Al-Shabaab ama AMISOM kala doorta” kolleey anigu marna kali talis xal uma arko, kumana jiro kuwa u shalleysan kaligii taliskii hore ee dalka dagaalka sokeeye geliyey.

W/Q: C/raxman C/shakur Warsame
Hoggaamiyaha Xisbiga Wadajir iyo Musharax Madaxweyne

- Advertisement -

Qoraalka kama tarjumayo aragtida Mareegta GOOBJOOGE.NET, wuxuuna gaar u yahay qoraaga ku saxiixan.
The views and opinions expressed in this website are those of the authors and do not necessarily reflect Goobjooge.net's editorial stance.

XULKA WARARKA

WARARKA CUSUB

Wasiirka Qorsheynta oo xaalad kacsan ka abuuray Garowe iyo ciidamo isku hor fadhiya Garoonka…

Wararka laga helayo magaalada Garowe ayaa sheegaya in xaalad kacsan ay ka taagan tahay magaalada Garowe, gaar ahaan garoonka diyaaradaha Jen. Maxamed Abshir, kadib...

Xogta kulankii uu Fahad Yaasiin ugu yeertay Taliyeyaasha Ciidamada Dalka iyo wixii ka dhacay (Akhriso)

Faahfaahin dheeraad ah ayaa laga helayaa kulan agaasimihii hore ee Hay'adda NISA ugu yeeray taliyeyaasha ciidamada Dowladda Federaalka oo ka dhacay xarunta Madaxtooyada. Xogta laga...

Maxay ka wadahadleen RW Rooble, Madaxda Maamul Goboleeyada iyo Gud. Guddiga Doorashada FEIT?.

Ra'isul Wasaaraha xukuumadda xilgaarsiinta Soomaaliya Maxamed Xuseen Rooble ayaa xalay shir guddoomiyay kulan fogaan-arag ahaa, kaas oo ay ka soo qeybgaleen madaxda maamulka goboleeyda...

Somaliland oo War cad kasoo saartay Doorashada Somaliya. “Somaliland waxay ka digaysaa khiyaaliga..”

Maamulka Somaliland ayaa war cad kasoo saaray Doorashooyinka Soomaaliya, waxayna u caddeysay in beesha caalamka inaysan wax shaqo ah ku lahayn Doorashadaasi. AKHRISO WAR-SAXAAFADEED Somaliland...

Faahfaahin laga helay Qarax dhimasho sababay oo ka dhacay magaalada Marko

Faahfaahin dheeraad ah ayaa laga helayaa qarax dhaliyey qasaare dhimasho iyo dhaawac leh oo maanta ka dhacay magaalada Marko ee Gobolka Sh/Hoose. Qaraxa oo ahaa...

Axmed Fiqi oo jawaabtii ugu cusleyd siiyey Cali Yare. “Calaamadaha aakhiru-zamaanka waxaa ka mida..”

Wasiirka Amniga maamulka Galmudug Axmed Macallin Fiqi ayaa jawaab culus siiyey guddoomiye ku xigeenka Gobolka Banaadir Cali Yare oo xilligan hoggaamiya taageerayaasha Farmaajo ee...

Nuxurka Khudbadii ‘COVID-19’ ee Farmaajo u jeediyey Fadhiga Golaha Guud ee Qaramada Midoobay

Madaxweynaha Muddo xileedkiisu dhammaaday Maxamed C/llaahi Farmaajo ayaa xalay saqdii dhexe kadib khudbad lasii duubay ka jeediyey fadhiga 76-aad Golaha Guud ee Qaramada Midoobay. Khudbadda...

XOGAHA QARSOON

Xogta kulankii uu Fahad Yaasiin ugu yeertay Taliyeyaasha Ciidamada Dalka iyo wixii ka dhacay (Akhriso)

Faahfaahin dheeraad ah ayaa laga helayaa kulan agaasimihii hore ee Hay'adda NISA ugu yeeray taliyeyaasha ciidamada Dowladda Federaalka oo ka dhacay xarunta Madaxtooyada. Xogta laga...

XOG: Farmaajo oo laba Qodob laga fujin waayay iyo Rooble oo lagu cadaadinayo inuu laba jago qaato

Wararka laga helayo Madaxtooyada Soomaaliya ayaa sheegaya inuu weli socdo dadaal lagu doonayo in xal loogu helo khilaafka adag ee u dhaxeeya madaxweynaha muddo...

XOG: RW Rooble oo ka badbaaday Laba Qodob oo halis geliyay hoggaankiisa Doorashada

Ra'iisal wasaaraha xukuumadda xilgaarsiinta Maxamed Xuseen Rooble ayaa dagaal xoog leh u galay inuu iska difaaco laba Qodob oo halis ku ahaa kaalintiisa hoggaanka...

Maxay ku heshiiyeen Rooble iyo Qoorqoor: Mar kale miyuu isbedelay Madaxweynaha Galmudug..?

Kulan ay soo qabanqaabiyeen xubno ay isku dhow yihiin Madaxweynaha Galmudug ayaa xalay dhex maray Ra'iisal wasaare Maxamed Xuseen Rooble iyo Axmed Cabdi Kaariye...

AKHRISO QORMOOYINKA KALERELATED
Recommended to you

error: Content is protected !!