Thursday, June 8, 2023

Qormo Xiiso leh: Xaaladda Xildhibaanada, Xasan Sheekh iyo Xamsa; Muuse Biixi iyo Laascaanood

-

- Advertisement -

Waxaan ahay xildhibaan ku jira 6 Whatsapp group ka billawda kan beesha hoose ee Cayr, ku xiji kan Habargidir, Hawiye, xildhibaannada Galmudug, mid loo bixiyey aayaha Baarlamaanka iyo kan guud ee Golaha shacabka. Midkoodna hawlihii Golohu lahaa ee sharci dejin, jihayn siyaasad qaran, korjoogtaynta laanta fulinta, metelaad deegaan, masiirka dawlad dhiska iyo la dagaalanka Alshabaab midna loogama hadlo.

Golaha Shacabku xubnihiisu waa 275 mudane, lagu so xulay 4.5, laakiin jufo, beel ama qabiil isku ajande ah, ama isku meel wax u wadaahi ma jiro. Xisbiyo ama kutlooyin laga tirsan yahayna ma laha.

Xildhibaan kasta madaxiisaa mayrax ugu xiran tahay, waa nin walbow naftaa nabiyow umaddaa. Qaar waxay ka joogtaa maxaaan shaqadaydii uga soo tegey.

- Advertisement -

Markii Golihii la xiray Cumro, Istanbuul iyo Nairobi ayaa loo kala yaacay. Nairobi waxaa maalmo dhow ku sugnaa ku dhowaad 10 wasiir iyo 100 xildhibaan oo danahooda shakhsiga ama qoysaskooda la jooga, kuwaa ayaan ka mid ahay.

Maqaayadaha iyo hoteellada Kenya ayaa la isaga soo hor baxaa. Ra’iisul Wasaarihii isna ku dhowaad labo toddobaad ayuu Cumro iyo Ciid ku maqnaa. Allaha ka aqbalo.

Madaxweynaha kaligiis ayaa harjad iyo halgan dagaal Al-Shabaab kula jira. Wuxuu u egyahay nin sidii Nabbi Muuse (CS), lagu yiri

“Tag oo adiga iyo Ilaahaaga dagaallama halkaan ayaan kugu sugaynaa”. Qof walba in Alshabaab laga soo adkaado ayey sugaysaa. Waa dagaalkii Putin iyo Ukraine oo kale.

Maayarkii Muqdisho isagoo dhallinyaro budayn ku jira, ayaa magaaladii mar qura biyo ku soo burqadeen, bullaacadihiina wada butaaceen, Bajaajtiina weli ma bejin.

Waxaan arkay ruux masuul ah oo Facebook-giisa ku aammanay bakooradda Maayarka, labo maalin ka dibna isla qofkii ayaa la ii sheegay in uu qolo ajnabi ah kula sheekaysanayey in Maayarku yahay xagjir loona baahan yahay in dalka laga qabto.

La yaabbi mayo, sababtoo ah labo wajileynta waxay noqotay meherada keli ah ee maanta siyaasadda ka furan.

- Advertisement -

Ma sahlana in aad siyaasadda ka libin keento haddii aad waydo saaxib runta kuu sheega, dhufaysna kuugu jiraan mucaarad iyo maamul gobolleedyo doonaya in ay ku wiiqaaan, dagaalna kula jirto cadow doonaya in uu ku dilo.

Dunida ma jiro dal 30 sano gobannimo la’aan ah, dadkiisuna la noolyihiin argagexiso, colaad, faqri, cudur, waxbarasho la’aan, abaaro, fatahaad, sharci iyo kala danbayn la’aan, dhallintiisiina rajo beel iyo quus darteed, ay qax iyo tahriib hor leh billaabeen.

Dagaalka Laascano weli ka socda ee dhimashada, dhaawaca, barakaca iyo hanti burburka baaxadda leh sababay wuxuu tilmaan ka bixinaya halka ay Soomaali 30 sano ka dib taagan tahay.

Somaliland waxaa ku dhacay gaboodfal magac dawladeed loogu geestay, ka dibna gooni isku taag ayey xal u arkeen. Sidoo kale ayaa reer Laascaano gaboodfal u geystay maamulka Somaliland, waxayna doonayaan midnimo Soomaaliyeed. Haddii aan midnimo Soomaaliya lagu qasbi karin Somaliland, sidee Laascaano midnimo Somaliland loogu qasbayaa?

Laancaano kuma eka ee beelihii kale way cabanayaan, muddo xileedka Biixina waa dhamaaday, isfaham la’aan ayaa isaga iyo mucaaradka ka dhex taagan, ismadii xalka keeni jirayna waa kuwa leh;

“Abidkeeyba meel lagu xintamo waa anigaa xigaye

- Advertisement -

maxaa iga xumaan jiray, haddii rag is xiniin taabto”.

Halkaa sawir aan wanaagsanayn iyo saadaal aan wacnayn ayaa ka soo socota.

Taa waxaa la mid ah muddo xileedka gabaabsiga ah ee madaxda dawlad Gobolleedyada Federaalka iyo damaca muddo kororsiga ee ay wada qabaan, goodiska, hanjabaadda iyo is abbaabulka ay wadaan siyaasiyiinta diiddan xil kororsiga ee iyaga xukunka kula loollamaya iyo ka dan la’aanta qaybaha kale ee bulshada iyo daalka ka muuqda beeshii caalamka ee booliska ahayd, waxaasoo idil waa daruur mugdi ah oo Soomaaliya dul hoganaysa.

Culimada cilmiga bulshada waxay yiraahdaan, “sida ay ummadi u nooshahay waxay ka turjumaysaa aragtida ay nolasha ka qabaan”. Cidna ku eedi mayno waxaan u noolnahay sidii aan mutaysanay.

Carabta waxay tiraahda; “shidooy bado si dhabbe u furmo”. Habeenku marka uu ugu mugdiga badan yahay ayuu waagu dillaacaa, siday u indha xuntahay uma Alle la’a, inkastoo Qaanuunka Rabaaniga uu ahaa “Ilaaheey qolo ma beddelo ilaa iyo inta ay iyagu iska beddelaan”. “Qaanuunka Allana isma beddelo ismana doorsho”

Is-beddel kama horreeyo iyadoon sida aan u fekerayno iyo aragtideena diinta, adduunka iyo dawladnimada is-beddelin.

W/Q: C/raxmaan C/shakuur Warsame
Xildhibaan Barlamaanka Federaalka

- Advertisement -

Qoraalka kama tarjumayo aragtida Mareegta GOOBJOOGE.NET, wuxuuna gaar u yahay qoraaga ku saxiixan.
The views and opinions expressed in this website are those of the authors and do not necessarily reflect Goobjooge.net's editorial stance.

XULKA WARARKA

WARARKA CUSUB

Kaaliyihii Guddoomiyaha Alshabaab ee Gobolka Hiiraan oo iska dhiibay Magaalada Xudur

Wararka laga helayo Gobolka Bakool ayaa sheegaya in kaaliyihii Guddoomiyaha Gobolka Hiiraan ee Alshabaab uu isu dhiibay ciidamada dolwadda ee ka howlgala magaalada Xudur. Saciid...

Golaha Ammaanka oo Somaliland ugu baaqay inay degdeg ciidamadeeda ugala baxdo Laascaanood

Xubnaha Golaha Ammaanka ee QM ayaa walaac ka muujiyay rabshadaha ka socda magaalada Laascaanood ee gobolka Soo lee Waqooyiga Soomaaliya, sida lagu sheegay war-saxaafadeed...

Musaveni oo Wiilkiisa Ergey ahaan ugu soo diray Madaxweynaha Somaliya iyo Dhambaal culus…

Madaxweynaha Uganda Yoweri Musaveni ayaa La-taliyihiisa Sare ee Hawlgalada Gaarka ah u soo diray Muqdisho, waxaana xarunta Madaxtooyada ku qaabilay Madaxweynaha Soomaaliya Xasan Sheekh...

Maxaa ka jira in Itoobiyaan badan lagu laayey Qaraxyadii Is-miidaaminta ee Doolow?

Warar kala duwan ayaa kasoo baxaya weerar qaraxyo is-miidamain ah oo maanta ka dhacay degmada Doolow ee Gobolka Gedo. War kasoo baxay Alshabaab ayey ku...

Qaraxyo lagu Weeraray Saldhigga ciidamada Itoobiya ee magaalada Doolow iyo Faahfaahin

Wararka laga helayo Gobolka Gedo ayaa sheegaya in qarax ka dhacay xerada ciidamada Itoobiya ku leeyihiin degmada Doolow ee Gobolka Gedo. Qarax Gaari ayaa...

Maleeshiyooyin Alshabaab ah oo lagu dilay Duqeyn ka dhacday Gobolka Sh/Hoose

Dowladda Federaalka Soomaaliya ayaa shaacisay in ilaa 20 ka tirsan maleeshiyada Al-shabaab lagu dilay 'hawlgal qorsheysnaa' oo ka dhacay deegaanka Beledul Amiin ee gobolka...

Axmed Madoobe oo Maamul cusub u magacaabay Gobolka Gedo iyo diidmo ka hor timid

Madaxweynaha Jubbaland Axmed Maxamed Islaam ayaa maamul cusub u magacaabay Gobolka Gedo oo gacantiisa ka maqnaa muddo dheer. Wareegto kasoo baxday Madaxweynaha Jubbaland ayaa maamul...

XOGAHA QARSOON

Madaxweyne Musaveni: “800 Alshabaab ah ayaa galay Saldhigga Buulomareer..” (Xog Cusub)

Madaxweynaha Dalka Uganda Yoweri Musaveni ayaa ka hadlay weerarkii Jimcihii 26-ka May ku qaadeen saldhigga ciidamada dalkiisa ee ka tirsan ATMIS, magaalada Buulomareer ee...

Maxay yihiin Ciidamada cusub (Special force) ee Imaaraadku u soo tababaray Somaliya..?

Waxaa dhowaan dalka Uganda tababar loogu soo xiray ciidamo cusub oo ka mida kumanaanka askari oo dowladda Imaaraadka Carabta aya taageereyso. Ciidamadan ayuu sheegay Wasiirka...

XOG: Dowladda Somalia oo Qandaraas u saxiixday Shirkad hubineysa Shixnadaha la keeno Dalka

Xukuumadda Federaalka Soomaaliya ayaa heshiis la gashay shirkad Ajnabi ah oo qaabilsan hubinta Shixnadaha la keeno dalka, Qandaraaskaasi oo shalay lagu saxiixay magaalada Muqdisho....

Madaxda iyo Mas’uuliyiinta Dowladda oo lagu soo rogay DHAAR looga hortegayo Musuqmaasuqa

Golaha wasiirada xukuumadda Federaalka ayaa soo saaray Qaraar la sheegay in lagu maamulayo Maaliyadda dalka, loogana hortegayo Musuqmaasuqa ka dhex jira dowladda Federaalka. Qaraarkan oo...

AKHRISO QORMOOYINKA KALERELATED
Recommended to you

error: Content is protected !!