Madaxda dowladda Soomaaliya ayaa ka qeyb galay janaaso lagu tukadaya meydka wasiir ku xigeenkii shaqada iyo shaqaalaha xukuumadda Soomalaiya Saqar Ibraahim Cabdalla oo shalay dabley ka tirsan Alshabaab ku dishay xafiiskiisa xarunta Wasaaradda ee magaalada Muqdisho.
Madaxweynaha Soomaaliya Maxamed C/llaahi Farmaajo, Guddoomiyaha Golaha Shacabka Maxamed Mursal Sheekh C/raxmaan iyo Ra’iisal wasaaraha Xasan Cali Kheyre ayaa ka qeyb galay Salaada Janaasada ee Marxuumka oo lagula dukaday gudaha madaxtooyada Soomaaliya.
Waxaa kaloo janaasadda ka qeyb galay xildhibaanada labada golle ee Baarlamaanka Soomaaliya wasiiro, ehelka Marxuumka iyo masuuliyiin ka socday hay’addaha dowladda, iyadoo lagu aasay Qabuuraha Isbitaalka Madiina ee magaalada Muqdisho.
