Maamulka Gobolka Sh/dhexe ayaa magaalada Jowhar ka mamnuucay Indha-shareerka islaamiga ah ee haweenka, iyadoo sidoo kale maamulku xayiraad ku soo rogay in habeenkii uu socdaan mootooyinka Bajaajta.
Sababta tallaabadan loo qaaday ayaa maamulku ku sheegay dhinac ammaanka, waxayna maamulku ku doodeen in Indha-shareerta haweenka ay ku dhex dhuuman karaan rag doonaya inay falal amni xumo ka fuliyaan magaalada.
Agaasimaha Warfaafinta Maamulka Gobolka Shabeelaha Dhexe C/kariin Cumar Macalin ayaa sheegay in laga bilaabo 25-ka bishan December aan la oggolaan doonin in haweenka indhaha shareerka wata ay dhex maraan magaalada Jowhar.
Magaakada Jowhar oo lagu wado inuu ka furmo shirka maamul u sameynta labada gobol ee Hiiraan iyo Shabeelaha Dhexe ayaa waxaa ka soca diyaar garow lagu sugayo ammaanka, waxaana tallaabadan maamulka Shabeelaha Dhexe ku dhaqaaqay cambaareeyay qaar ka mida culimada Soomaaliyeed.
Goobjooge.com
