Wafdi uu hogaaminayo Wasiirka Arrimaha Gudaha iyo Federaalka C/raxmaan Maxamed Xuseen (Odawaa) oo ay la socdaan wasiiro iyo xildhibaano ayaa gaaray magaalada Jowhar ee xarunta gobolka Shabeellaha Dhexe.
Wafdiga Wasiirka ayaa magaalada Jowhar ku tegay diyaarad helicopter ah ka dejisay garoonka diyaaradaha dhowaan la dayac tiray ee magaalada Jowhar.
Maamulka Gobolka oo uu horkacayo Guddoomiyaha Gobolka Shabeellaha Dhexe Cali Xuseen Guudlaawe, kuxigeenada maamulka, Guddoomiyaha degmada Jowhar iyo dadweyne fara badan ayaa ka qeyb galay soo dhoweynta wafdiga iyadoo ammaanka degmada si weyn loo adkeeyay.
Wafdiga wasiirka arrimaha gidaha ayaa kulamo la yeelan doona mas’uuliyiinta iyo waxgarada Gobolka Shabeelaha dhexe oo ay kala hadli doonaan arrimaha qabashada shirka labada gobol.
Wafdiga waxaa ka mida wasiirka amniga dowladda Federaalka, Wasiirka Dhalinyarada iyo isboortiga, wasiirka kaluuumeysiga, wasiiru dowlaha maaliyadda, wasiiru dowlaha madaxtooyada iyo xildhibaano.
DAAWO SAWIRRO
Goobjooge.com
