Dowladda Turkiga ayaa markii ugu horeysay qiratay inay saldhig milateri ka sameysaneyso dalka Soomaaliya. Emel Tekin oo ah madaxa wasaarada arimaha dibada dowlada Turkiga ee masuulka ka ah howlgalka Soomalaiya ayaa sheegtay in dowladeedu ay saldhig Military ka dhisayso magaalada Muqdisho kaasoo lagu tababari doono ciidamada Dowlada Soomaaliya.
Arritan ayaa qeyb ka ah heshiis dhex maray dowladda Soomaaliya iyo Turkiga, waxayna tani noqoneysaa markii ugu horeysay oo ay Xukuumada Ankara si cad u sheegto inay milateri ahaan u joogto Soomaaliya. “Saldhigan military wuxuu saldhig u noqon doonaa tababarada milateri ee Qaarada afrika” ayay tiri tiri Emel Tekin.
Sidoo kale Wasaarada Gaanshaadhiga Turkiga ayaa ku dhawaaqday inay Dugsi military oo lagu tababaro saaraakiisha dowlada Somaaliya ay ka hirgelineyso Soomaaliya.
Turkiga oo door weyn ku leh xaaladda Soomaaliya tan iyo markii uu booqashada taariikhiga ahayd ku tegay Muqdisho sanadkii 2011 ayaa howsheeda u badneyd dhinaca mashaariicda iyo gargaarka, waxaana hadda ay u xuub siibatay iskaashi milateri.
Goobjooge.com
