Madaxweynaha Dowladda Federaalka Soomaaliya Xasan Sheekh Maxamuud oo saaka ka duulay magaalada Jowhar ayaa goor dhoweyd gaaray Magaalada Kismaayo, halkaas oo si weyn looga sugayay, laguna wado inuu maanta ka furmo Shirka Madasha Qaran ee go’aan ka gaarista qaabka doorasho ee Soomaaliya ka dhaceysa sanadkan.
Wafdiga madaxweynaha waxaa garoonka diyaaradaha Kismaayo ku soo dhaweeyay Guddoomiyaha Baarlamaanka Soomaaliya Prof. Maxamed Sheekh Cismaan (Jawaari), Ra’iisul Wasaaraha Xukumadda Cumar C/rashiid, Madaxweynaha Jubbaland iyo Mas’uuliyiin kale.
Shirka Madasha Qaran oo muddo 3 maalmood ah dib u dhac ku yimid ayaa la filayaa inuu madaxweynaha maanta furo, waxaana ku sugan madaxda maamulada dalka iyo wakiilada Beesha caalamka.
Goobjooge.com
