Ciidamada dowladda Soomaaliya ee Gobolka Gedo ayaa sheegay inay badbaadiyeen tiro ka mida ciidamada Kenya oo ka badbaaday dagaalkii cuslaa ee Alshabaab ku qaadeen xeradii Ceelcade ee Gobolka Gedo Jimcihii hore.
Mas’uul ka tirsan dowladda federaalka ayaa BBC u sheegay in 13 oo Kenyaati ah kana badbaaday weerarkii Alshabaab ku qaaday Ceeldcade ay bed qabaan oo ay gacanta ku hayaan ciidamada dowladda.
Dowladda Kenya ayaan weli shaacin qasaaraha ciidamadeeda ka soo gaaray dagaalka Ceelcade, waxaana weli jira ciidamo la la’ yahay nolol iyo geeri. Wararka ayaa sheegaya in askarta Kenya looga dilay weerarkaasi ay ka badan yihiin 100 askari.
Afar ka mida askarta dhimatay ayaa hore loogu duuliyay magaalada Nairobi
Goobjooge.com
