Wasiir Ceynte oo shaaciyay dhibaato xukuumada ka heysata NGO-yada Caalamiga ah & Maamul Goboleedyada

Less than 1 min read

January 31, 2016

Wasiir Ceynte oo jawaab kulul u diray odayaasha Hawiye

Wasiirka wasaaradda qorsheynta xukuumadda Soomaaliya C/raxmaan Yuusuf Cali Ceynte ayaa sheegay in hay’adaha aan dowliga ahayn ee dalka ka howlgala ay yihiin kuwa ku shaqeeya qaab fowdo ah oo aysan dooneyn in lala xisaabtamo.

C/raxmaan Ceynte ayaa intaa raaciyay in shacabka iyo dowladduba ay si weyn ugu jahwareersan yihiin qaabka ay ku shaqeeyaan NGO-yada caalamiga ah, kuwaasoo uu ku tilmaamay inaysan ogeyn waajibaadkooda iyo doorka kaga aaddan dowladda federaalka inay ka qaadato waxyaabaha ay ku hawlan yihiin.

Wasiirka ayaa tilmaamay in tiradooda iyo tayada hay’adahaasi ay yihiin wax aan isku dheelli tirnayn, isagoo aad ugu dheeraaday baahiyaha asaasiga ee dad weynaha iney yihiin kuwo aad u liita, kuwaasoo uu balan qaaday in lala xisaabtami doono dhowaan.

Wasiirka ayaa sheegay inuu ka hadlayo ururada caalamiga aha ee aan dowliga ahayn International NGOs oo ah hay’adaha waaweyn ee Soomaaliya ka wada mashaariicda kala duwan.

Dhageyso Warka