Wararka laga helayo degmada Baardheere ee Gobolka Gedo ayaa sheegaya in Ciidankii Kenya ee ku sugnaa halkaasi ay isaga baxeen, kadib markii ay isaga guureen magaalada oo ciidamo fara badan ka joogeen, taasoo ka mida qorshe ciidamada Kenya uga baxayaan saldhigyadooda.
Fariisimihii ay baneeyeen ciidamada Kenya ee magaalada Bardheere ayaa waxaa durba buuxiyay ciidamada Itoobiyaanka ee magaalada ku sugnaa oo hadda keligood u haray magaalada. Ciidanka Kenya ayaa la sheegay inay si qorsheysan ugu gurteen degmada Ceelwaaq iyagoo sii maraya ciidamadooda ku sugan inta u dhaxeysa Ceelwaaq iyo Baardheere ee fadhigoodu yahay degaanada Faafaxdhuun, Tarako iyo Buusaar.
Dhaqdhaqaaqa ciidamada Kenya dartood ayaa hawada looga saaray isgaarsiinta magaalada Baardheere. Kenya ayaa dagaalkii Ceelcade ee askarta badan looga laayay kadib waxay ciidamadeed ka saartay saldhigyadii ay ku lahaayeen Ceelcade, Badhaadhe iyo Buulogaduud.
Goobjooge.com
