Sheekh Axmed Cali Gees oo ahaa oday ka tirsan Ururka Al Shabaab, isla markaana gaalnimo ku xukumay Saxafiyiinta Muqdisho ayaa sheegay inuu mar hor isaga baxay Al-Shabaab oo naftiisa ay dhibaato u geysteen.
Sheekh Axmed Cali Gees oo hadalkiisa uu kasoo muuqaday Barnaajimkii dilaaga weriyaha isagoo u hanjabaya saxafiyiinta ayaa hadda ku nool magaalada Cadaado, wuxuuna sheegay in 2012-kii ka baxay Alshabaab.
“Anigu waxaan ahaa macduur, afka ayaan ku difaaci jiray, waxaan rabaa inaan maanta ummada Somaliyeed u cadeeyo inaan ka baxay Al Shabaab, 2012-kii” ayuu yiri Sheekh Axmed Cali Gees oo sharxay sababta uu ugu baxay ururkaasi.
Arrintan ayaa ka dambeysay kadib markii ciidamada nabadsugidda ay qabteen Sheekhan oo xiligii ay Alshabaab xoogga ku lahayd Muqdisho ka mid ahaa qabqable weyn oo Alshabaab ah.
DHAGEYSO CODKA
Goobjooge.com
