Dowladda Imaaraadka Carabta ayaa balanqaaday inay xayiraadda ka qaadeyso xoolihii Soomaalida ee loo dhoofin jiray dalkasi oo xayirnaa tan iyo aakhirkii sanadkii hore, kadib shir ka dhacay magaalada Dubai oo looga wadahadlay sidii dib loogu furi lahaa dhoofka xoolaha Soomaalida.
Shirka ayaa waxaa dhinaca dowladda Soomaaliya uga qeyb galay Wasiirka xanaanada xoolahaSiciid Xuseen Ciid iyo safiirka Soomaliya u fadhiya dalka isu-tagga Imaaraadka Carabta Cabdiqaadir Shiikh, waxaa sidoo kale shirka kaqeyb galay maareeyaha maxjarada Puntland Maxamed Faarax C/samad Yuusuf Maxamed oo ka socday ganacsatada xoolaha dhoofisa. Halka dhinaca Imaaraadka Carabta shirkaasi uga qeyb galeen Wasiirka xanaanada xoolaha, Degaanka iyo Kaluumeysiga Dr. Thani bin Ahmed alzeyoudi.
Waxaa shirkaasi kadib la isku afgartay in dowlada Imaaraadka Carabta ay si dhaqso ah uga qaadeyso xayiraada ay kusoo rogtay xoolihii laha dhoofin jiray dalka Soomaaliya ee dalkaasi qaadan jiray.
Goobjooge.com
