Xoghayaha guud ee Qaramada Midoobe Ban Ki-Moon ayaa magacaabay ku xigeen uu yeelanayo wakiilkiisa arrimaha Soomaaliya isagoo u magacaabay Peter de Clercq inuu noqdo ku-xigeenka Ergayga Qaramada Midoobey ee Soomaaliya ahna xiriiriyaha barnaamijyada Bani’aadanimada ee Qaramada Midoobay ka wado Soomaaliya iyo Barnaamijka Horumarinta ee UNDP.
Mr. Clercq waa nin u dhashay dalka Holland wuxuuna bedalaya ninkii mudada dheer xilkaasi hayay ee Philippe Lazzarini una dhashay dalka Switzerland oo dhowaan xilkiisii idlaaday.
Ban Ki-moon ayaa u mahad celiyey Philippe Lazzarini shaqadii uu ka soo qabtay Soomaaliya mudadii dheereyd ee uu xilkaasi hayay. Ninkan cusub ayaa la sheegay inuu leeyahay khibrad dheer, waxaana uu muddo ka soo shaqeeyay hay’adda UNHCR ee dalka Suudaan.
Xafiiska UNSOM ee xaruntiisu tahay xerada Xalane ee magaalada Muqdisho ayaa ah halka ay hoos yimaadaan howlaha Qaramada Midoobay ka wado guud ahaan Soomaaliya.
Goobjooge.com
[ad name=”HTML-1″]
[ad name=”HTML-6″]
