Mmaamulka Puntland ee Gobolka Mudug ayaa amarro kusoo rogay garoomada ku yaala magaalada Gaalkacyo kadib cabsi dhinaca ammaanka ah oo ka taagan gobollada Dhexe.
Garoonka magaalada Gaalkacyo ee C/llaahi Yuusuf Cabdulaahi Yuusuf ayaa amarrada intooda badan ay quseeyaan iyadoo waraaqo maamulka ku dhejiyay garoonka loogu digay dadka rakaabka ah ee garoonka ka dhoofaya inay boorsooyinkooda ama xamuul ka dhigaan alaabada ay ka midka yihiin Labtop iyo agabyo kale oo electric ah iyo waxyaabo dareerayaal ah oo la cayimay.
Amarkan oo kasoo baxay taliska amaanka ee garoonka diyaaradaha magaalada Gaalkacyo ayaa lagu caddeeyay in dadka rakaabka ah ay u hogaansamaan baaritaanada lagu sameynayo marka ay duulayaan.
Arrintan ayaa soo baxeysa iyadoo Garoonka Muqdisho horaantii Bishii Febraayo lagu qarxiyay Diyaaradda Daallo markii qof watay Laptop waxyaabo qarxa lagu rakibay uu raacay, sidoo kale waxaa qarax ka dhacay garoonka magaalada Beledweyne.
QORAALKA HOOS KA AKHRI
Goobjooge.com
