Howlgal lagu soo furtay dadkii lagu qafaashay Baar ku yaala magaalada Dhaka ee dalka Bangladesh ayay qaadeen ciidamada gaarka ah Booliska dalkaasi.
14 qof ayaa lasoo furtay iyadoo la dilay dhammaan 6 dabley ah oo weerarka soo qaaday, isla markaana saacado badan heystay dadkan sida uu sheegay taliyaha ciidamada Milateriga Booliska dalkaasi Gen. Mujibur Rahman.
Waxaa socda howlgal xoog leh oo lagu soo furanayo dadka lagu heysto Baarka Holey Artisan Bakery oo ay isugu yimaadaan dadka ajaaniibta ah iyo diblomaasiyiinta. Waxaa weerarkan sheegatay kooxda Daacish.
Dadka la soo badbaadiyay ayaa 4 kamida ay yihiin ajaaniib, waxaana weli caddeyn dadkii kale xaaladooda. Booliska ayaa sheegay in weli howlgalku oo la maqlayo dagaal xoog leh iyo rasaas socota si loo nadiifiyo Baarka, waxaana soo baxaya qasaaraha ka dhashay weerarkan oo aan si rasmi ah loo shaacin.
Goobjooge.com/Wakaalado
