Ciidamada dowladda Federaalka iyo kuwa AMISOM ee ka socda dalka Itoobiya ayaa saaka gaaray afka hore ee degmada Diinsoor ee gobolka Baay, halkaasoo ay isaga baxeen maleeshiyada Alshabaab oo muddo dheer degmadaasi gacanta ku heysay.
Wasiirka Gaashaandhiga Soomaaliya Gerenaal C/qaadir Sheekh Cali Diini ayaa xaqiijiyay in ciidamada Dowladda iyo kuwa AMISOM ay galeen Diinsoor. Wasiirka wuxuu caddeeyay in ciidamada ay ku sugan yihiin kortoroolka Diinsoor ayna doonayaan in si taxadar leh ay gudaha ugu galaan Degmada si loo hubiyo xaalada.
Kooxda Al-shabaab ayaa shalay galabtii maleeshiyadeeda kala baxday Diinsoor iyagoo aaday dhinaca Gobolka Jubbada dhexe oo ah gobol ay si buuxda gacanta ugu hayaan Alshabaab. Ciidamada is garabsanaya ayaa xalay ku hoyday meel 5-KM u jrta Diinsoor iyagoo kadibna saaka u ruuqaansaday Diinsoor ay galeen.
Sarkaal u hadlay ciidanka dowladda oo la hadlay mid ka mid ah Idaacadaha Muqdisho ayaa xaqiijiyay in ciidanka ay qeyb ka mid ah Diinsoor galeen.
Goobjooge.com
[ad name=”HTML-1″]
