Wararka ka imaanaya degaanka Halgan ee gobolka Hiiraan ayaa sheegaya in ciidamada Itoobiya ay halkaasi ku laayeen dad shacab ah oo la socday gaari ku sii jeeda goob ay tacsi ka jirtay. Xasuuqan ayaa noqonaya mid ka mida falalka dilalka ah ee ciidamada AMISOM ka geystaan goboladda dalka.
Falkan ayaa la xaqiijiyay in ciidamada Itoobiya ay ku dileen lix qof iyadoo shan kale lagu dhaawacay markii rasaas ay ku fureen ciidamada Itoobiyaanka. Dadka shacabka ah ee la laayay ayaa saarnaa gaari Mini Bus ah (Nisssan Homey) oo kasoo baxday magaalada Beledweyne kuna socday tuulada Halgan oo dhowaan ay la wareegeen ciidamada Itoobiyaanka.
Warar kala duwan ayaa ka soo baxaya qaabka dilku u dhacay waxayna dadka degaanka sheegayaan in ciidamada Itoobiyaanka ay dadka kala degeen gaariga kadibna ay dileen. Dadka Itoobiyaanka ay dileen waxaa ka mida nin qurbe joog ah oo ka yimid Ingiriiska oo lagu magacaabo Cilmi Shabeel.
Maamulka gobolka Hiiraan iyo ciidamada AMISOM ayaan wax hadal ah kasoo saarin shilkaasi ka dhacay, iyadoo falal noocan oo kale ay hore uga dhaceen magaalooyinka Marka iyo Xudur.
Goobjooge.com
[ad name=”HTML-1″]
