Wararka laga helayo magaalada Cadaado ayaa sheegaya in ciidamada Nabadsugidda ee NISA kuna degan Galmudug ay la wareegeen Garoonka diyaaradaha magaalada Cadaado oo galabta dagaal ku dhex maray ciidamada miletariga ee garooonka ammaankiisa qaabilsanaa iyo maleeshiyo ganacsatada Qaadka leeyihiin kadib muran ka dhashay canshuurka Qaadka.
Ciidamada Nabadsugidda ayaa la geeyay caawa garoonka Cadaado iyadoo laga saaray ciidamadii kale, waxaana la sheegay in wixii hadda ka danbeeya ay ammaanka Garoonka Cadaado sugi doonaan ciidamaada NISA.
Qasaaraha dagaalka ayaan weli wax faahfaahin ah laga bixin, waxayna wararku sheegayaan inay socoto waanwaan ku sabsaan sidii loo xalin lahaa shaqaaqadii ka dhacday garoonka Cadaado.
Goobjooge.com
