Ciidamo gaara oo ka tirsan kuwa Nabad sugidda ee Gobolka Banaadir ayaa saaka la wareegay ammaanka xarunta Baarlamaanka Soomaaliya oo lagu wado inuu ka furmo mooshinka looga soo horjeedo xukuumadda Ra’iisal wasaare C/weli Sheekh.
Ciidamadan ayaa la sheegay inay hoostagaan Gobolka Banaadir, ayna soo dhoobeen halkaasi guddoomiyaha Gobolka Banaadir iyo nabad sugidda, waxayna wararku sheegayaan in cabsi weyn laga qabo shirka maanta ee Baarlamaanka inuu fowdo isu bedelo.
Madaxweynaha oo ka danbeeya mooshinkan ayaa amar ku bixiyay xalay inaan loo ogolaan xildhibaannada inay qas ka abuuraan gudaha shirka, iyadoo ciidamo fara badan gudaha iyo dibadda baarlamaanka la geeyay.
Xildhibaanada qaarkoo oo goobjooge.com lasoo xiriiray ayaa welwel ka muujiyay in ciidamadii qaranka loo adeegsado arrimo siyaasadeed, waxayse balan ku qaadeen inay hor istaagi doonaan mooshinka siyaasadeysan ee madaxweynaha.
WIXII KA SOO KORDHA KALA SOCO GOOBJOOGE.COM
GOOBJOOGE.COM
MUQDISHO
[ad name=”HTML”]
