Madaxweynihii Hore ee Puntland Dr. C/raxmaan Sheieh Maxamud Faroole ayaa maanta si weyn loogu soo dhoweeyay magaalada Garowe ee xarunta Puntland iyadoo soo dhoweyntiisu ay ahayd mid aan hore oo arag oo ay ka qeyb galaan madaxdii hore ee maamulkiisa, mas’uuliyiinta maamulkiisa ka tirsanaa ee weli xil ka haya maamulka cusub, waxgarad iyo dadweyne fara badan.
Dr. Faroole ayaa maalmahaan Tacsi ah u joogay magaaladda Hargeysa ee Maamulka Somaliland, waxaan socdaalkiisa ku soo beegmay iyadoo magaalada Garowe ay caadiyaan ku soo kordheyso mucaaradnimada loo hayo maamulka C/weli Gaas.
Soo dhoweynta heerka sare ah ee maanta Garowe ka dhacday ayaa fariin u ah madaxweyne Gaas iyo xukuumadda talada heysa iyadoo muujineysa in taageerada loo hayo madaxweynihii hore ay dadku ku cabireen sida ay u diidan yihiin siyaasadda C/weli Gaas. Faroole ayaa ka gaabsaday inuu wax ka sheego maamula hadda ka taliya Puntland.
C/raxmaan Faroole ayaa markii uu ka degay Garowe wuxuu ka hadlay xaalada Soomaaliya isagoo sheegay in dadaalkii ay u galeen in kumeelgaarka laga baxo uu fashi ku dhammaaday, isagoo eedeyn u jeediyay madaxda dowladda Federaalka oo uu sheegay inay la xisaabtami doonaan.
DAAWO SAWIRO
[ad name=”HTML”] 
Xuquuqda Sawirada waxaa leh Puntlandpost
[ad name=”HTML-1″]
