Waxaa sii kordhaya dalalka uu ku faafayo cudurka COVID-19 ee uu keeno Virus-ka Corona, wuxuuna hadda gaaray 91 Dal sida ay faafisay Wakaalada Wararka AFP oo soo xigatay ilaha rasmiga ah ee dowladaha.
Dadka qaba cudurka ayaa sidoo kale sare u dhaafay 100,000 (Boqol kun) ruux, wuxuuna cudurkan u muuqdaa inuu faraha kasii baxayo oo dunida oo dhan saameyn ku yeeshay, waxaana 24 saac kasta soo kordha kumanaan dad cusub ah oo qaaday Coronavirus.
Dadka cudurka u dhintay ayaa gaaraya 3042, waxaana marka China laga reebo oo cudurku kasoo bilowday dalalka ugu darran ee uu faraha ba’an ku hayo ka mida:
South Korea: Waxaa cudurka qaaday ilaa hadda 6284, waxaana u geeriyooday 42 qof.
Iran: Wuxuu cudurku soo ritay 4747, waxaana u dhintay 124.
Italy: Waxaa qaba cudurka Coronavirus 4636, waxaana u geeriyooday 197 qof.
France: Waxaa cudurka laga helay 613
Japan: 1037 ayaa qaba cudurka oo 706 ka mida lagu karaantiilay Markab weyn oo ku xiran dalkaasi.
Germany: 639 ayaa qaba cudurka Coronavirus
