Xiriirka caalamiga ah ee weriyayaasha adduunka ee (IFJ) International Federation of Journalists, ayaa toddobaadkan ku soo gabagabeeyay dalka Faransiiska shirweynahoodii – kaasi oo sanadkan ay ku dooranayeen madaxda iyo guddiga fulinta ururkaasi oo ah midka caalamka ugu balaaran.
Xiriirkan oo la aasaasay sanadkii 1926 waxaa xubno ka ah 600,000 oo weriyayaal ah oo u kala dhashay 139 waddan.
Haddaba waxaa markii ugu horreysay guddiga fulinta ee International Federation of Journalists (IFJ) loo doortay in uu xubin ka noqdo qofkii ugu horreeyay ee Soomaali ah – Cumar Faaruuq Cusmaan oo hadda sheegta inuu yahay xoghayaha guud ee ururka NUSOJ.
Cumar Faaruuq ayaa muddo ururka IFJ u metelayay Soomaaliya, waxaana hadda raacsan saxafiyiin fara ku tiris ah oo Soomaaliyeed iyadoo hogaan cusub dhowaan NUSOJ ku dooartay magaalada Muqdisho kaasoo uu xoghaye ka yahay Maxamed Ibraahim Macalimuu.
Goobjooge.com
Goobjooge Online provides the latest Somali News, Breaking News, Analysis, Views and In-depth coverage of Somalia and around world.
Contact us: [email protected]
© Copyright - Goobjooge.net
