Banaanbax rabshado wata ayaa hadda ka socda magaalada Jowhar, waxaana xiran dhammaan ganacsigii magaalada kadib markii dadweyne isu soo baxay ay xireen wadooyinka iyagoo diidan askari dil ka geystay halkaasi oo weli aan la soo xirin.
Arrintan ayaa ka danbeysay laba maalmood ka hor oo askari ka tirsan ciidamada maamulka Jowhar uu si bareer ah u dilay nin darawal ah uu ku sugnaa bartamaha Suuqa Jowhar, askarigaa ayaa lagu tuhunsan yahay in loo fududeeyay inuu baxsado.
Ciidamada maamulka ayaa rasaas kor u riday si dadka qamaamaya loo kala kaxeeyo, laakiin xaaladda ayaa cakiran weli. Sabtida oo ahayd maalinta toddobadkii lagu ganacsado Jowhar ayaa isu bedeshay maalin qalalaase oo la xiray qeybihii Ganacsiga.
Goobjooge.com
[ad name=”HTML-1″]
