Waxaa goor dhoweyd magaalada Baydhaba ka furay Shirka Golaha Amniga Qaranka oo ay isugu yimaadeen Madaxda dowladda Federalka iyo Madaxda Maamul Goboleedyada dalka.
Shirka waxaa guddoominaya Madaxweynaha Soomaaliya Maxamed C/laahi Farmaajo oo si rasmi ah u furay shirka, waxaana arrimaha looga hadlayo ugu waaweyn: Amniga, Ciidamada, Kheyraadka, Doorashooyinka iyo arrimo kale.
Shirka ayaa ku soo beegmaya iyadoo ay xiisad ka dhex taagan tahay dowladda Federaalka iyo inta badan madaxda maamul Goboleeyada dalka, waxaana lagu diyaarinayaa qorshe lal tago shirweyne caalami ah oo dhowaan ka dhici doona magaalada Brussels.
