War hadda naga soo gaaray magaalada Beledweyne ayaa sheegaya in Ugaaska Beesha Ciise Mudulood Ugaas Cusmaan Ugaas Cilmi Ugaas Cumar uu ka degay garoonka diyaaradaha magaalada Beledweyne, halkaasoo si diiran loogu soo dhoweeyay, isagoo ku biiraya shirka dib u heshiisiinta ee ka socda magaaladaasi.
Arrintan oo dhabar jab weyn ku ah shirkii dowladda Federaalka sheegtay inuu dib uga furmayo magaalada Jowhar ayaa timid kadib markii Ugaaska Ujeejeen ka biyo diiday qaabka loo wado shirka maamul u sameynta gobollada Hiiraan iyo Shabeelaha Dhexe.
Dadaa lagu doonayay in Ugaas Cusmaan looga baajiyo safarka ayaa lagu guuldarreystay, waxaana muuqata in qorshaha siyaasadeed ee Madaxweyne Xasan Sheekh iyo wasiirkiisa Arrimaha gudaha ka leeyihiin shirka Jowhar uu dhalinayo inay ka baxaan odayaashii iyo duubabkii hore ugu qanacsanaa.
Goobjooge.com
