Guddoomiyaha Gobolka Hiiraan ee kooxda Alshabaab Sheekh Maxamed Mire ayaa beeniyay in la dilay isagoo ka hadlay meel fagaare degmada Buq-aqable, halkaasoo lagu fuliyay xukun dil ah oo lagu fulinayay askari ka tirsanaa dowladda Federaalka oo la sheegay inay xukuntay maxkamadda Alshabaab.
Ninka la toogtay ayaa lagu magacaabi jiray Kun-ciil Mahad. Dadweynaha isu soo baxay fulinta xukunkaasi ayuu la hadlay Maxamed Mire isagoo sheegay in duqeyntii dhowaan Mareykanku ka fuliyey Gobolka Hiiraan, wuxuuna sheegay inuu Alle ka badbaadiyay, islamarkaana uu ka been sheegay khasaaraha ka dhashay.
“Dad badan ayay sheegeen inay dileen oo aniga ila hadlaya aan ka mid ahay, been abuur ayay shaqadooda ah, waxay qeyb ka tahay beenta lagu yaqaano cadowga” ayuu yiri waaliga Alshabaab ee Hiiraan Maxamed Mire oo hore guddoomiyaha Buuloburte uu sheegay in lagu dilay weerarkii Mareykanka ee degaanka Raaso.
Goobjooge.com
