Kus-simaha Madaxweynaha ahna Guddoomiyaha Baarlamaanka Soomaaliya Prof Maxamed Sheekh Cusmaan (Jawaari) ayaa shalay shaaciyay inaysan dalka ka jirin wax dowlad goboleed la yiraahdo marka laga reebo Puntland oo ay ka dhiman yihiin arrimo yaryar oo dastuuri ah.
Prof. Jawaari oo ka hadlayay kulan wadatashi oo ku saabsan Dastuurka ayaa caddeeyay inay waxba kama jiraan yihiin magacyada la sheeganayo sida: Dowlad Goboleed, Madaxweyne IWM. wuxuuna taasi shardi uga dhigay inay buuxiyaan shuruudaha u yaalla dowlad Goboleedka xubinta ka noqoneysa Federaalka, kadibna Baarlamaanku ansixiyo.
“Wixii la rabo hala sheegto, saxaafadda qofka wixii uu doono haka sheegto, dhammaan waxba kama jiraan, ilaa sharciga loo maro” ayuu yiri Guddoomiyaha Baarlamaanka oo kala saaray maamul goboleed iyo dowlad Goboleed oo ahayd arrin ay dad badan isku khaldi jireenn siiba saxaafadda iyo madaxda dowladda.
Dhageyso Prof. Jawaari
Goobjooge.com
[ad name=”HTML-1″]
