Ismaaciil Axmed Maxamuud waa arday naafo ah kana qalin jebiyay jaamacadaha SIMAD ee magaalada Muqdisho, isagoo qaatay Shahaadada koowaad ee Banking And Finance.
Ismaaciil wuxuu ku soo bar baaray Magaalada Muqdisho uu wax ku soo bartay. Shalay ayuu ka mid ahaa in ka badan 600 oo arday oo ka qalin jibisay Jaamacadda Simad ee Muqdisho, wuxuuna si weyn u soo jiitay dadka Soomaaliyeed oo baraha bulshada ku faafiyey sawirkiisa.
Ismaaciil mudadii uu waxbarashada Jaamacada ku guda jiray waxa uu sheegay inuu Semester kasta geli jiray Kaalinta koowaad ee fasalkiisa, sidoo kalena uu kaalinta koowaad ku soo baxay Shahaadada, isgoo u soo dhabar adeegay dhibaatooyin badan oo xaalad dhaqaale iyo amni leh isugu jira
SIMAD ayaa siisay waxbarasho deeq ah kadib marki uu ku biiray Jaamacadda, waxaana deeqdaasi u gartay hormuudkii hore ee Jaamacadda C/raxmaan Odowaa oo kadib noqday wasiirka arrimaha gudaha Soomaaliya.
Maamulka Sare ee Jaamacadda SIMAD ayaa ku abaal mariyay in uu ka mid noqdo Shaqaalaha Jaamacadda SIMAD. Wuxuuna maanta la kulmay Ismaaciil Wasiirka Maaliyadda xukuumadda Soomaaliya oo xafiiskiisa ku qaabilay.
HOOS KA DHAGEYSO QISADA ISMAACIIL AXMED MAXAMUUD
