Magaalada Caabudwaaq ayaa la soo weriyay inay ka dhacay fal naxdin leh kadib markii xalay degmadaasi lagu dilay Mu’adinka iyo Sheekhii Masjidka Jaamaca ee Imaamu Shaafici oo lagu magacaabi jiray Macalin Farxaan Maxamed Salaad.
Dilka mu’adinka masjidka Imaamku Shaafici ee degmada Caabudwaaq ayaa la sheegay inay ka danbeeyeen koox hubeysan albaabka masjidka u galay xiligii laga soo baxay salaadii cishaha. Dadweynaha iyo culimada degaanka oo uu ugu horeeyo Sheekh C/risaaq Warsame Fiqi ayaa maanta ka tacsiyadeeyay muslimiinta geeridaas naxdinta leh.
Warar kala duwan ayaa kasoo baxaya dilka sheekhan waxayna qaarkood sheegayaan inay xiriir la leedahay xiisad ka taagan magaalada ee Ahlu suna iyo Galmudug.
Goobjooge.com
