Dowladda Federaalka Soomaaliya ayaa safiir cusub u magacawday dalka Raashiya kadib markii la bedelay safiirkii hore oo muddo dalkaasi u fadhiyay Soomaaliya.
Cabdullaahi Maxamuud Warsame (Duqow) ayaa xilkan loo magacaabay, isagoo Soomaaliya u fadhin doona magaalada Moscow, waxaana xilkaasi laga qaaday Maxamed Maxamuud Xandulle oo tan iyo sanadkii 2007 u fadhiyay Ruushka.
Safiirka cusub ee Duqow ayaa ah nin wax ku soo bartay dalka Ruushka, wuxuuna hormuud ka soo noqday Kulliyaddii farsamada Soomaaliya, wixii ka dambeeyay 1991 wuxuu u wareegay Hay’adda Qaramada Midoobay u qaabilsan horumarinta ee UNDP.
Dowladda Soomaaliya ayaa safiiro badan magacowday sanadkii ugu danbeeyay, waxaana magacaabidda safiirada ay yihiin kuwo ku kooban madaxweynaha iyo Ra’iisal wasaaraha oo si hoose ugu heshiiyay.
Goobjooge.com
