Ergeyga Qaramada Midoobay u qaabilsan Soomaaliya Nicholas Kay ayaa maanta furitaankii shirka Hiigsiga Cusub ee Soomaaliyauga dhawaaqay in marka la gaaro sanadka 2016-ka aan la aqbali doonin muddo Kororsi ay sameystaan golayaasha dowladda, isagoo ku adkeystay in arrintaasi ay tahay mid aan dhici doonin.
wuxuu soo xigtay Ergeyga go’aan Golaha Ammaanka ku gaareen in aysan jirin wax muddo kororsi ah oo Golayaasha dowladda Federaalka loo kordhinayo wuxuuna sidoo kale intaas ku daray inay jiraan qaar ka mida madaxda dalka oo qaba in xilka loo kordhiyo balse taasi aanay ahayn qorshe furan.
Danjire Nicholas Kay wuxuu welwel ka muujiyay inaysan shirka Muqdisho kasoo qeybgelin Hoggaamiyeyaasha Maamulada Jubba iyo Puntland oo xurguf kala dhaxeyso dowladda Soomaaliya.
Wuxuu sheegay in houmar laga gaaray xaaladda Soomaaliya inkastoo ay jiraan caqabado badan oo hor yaala hiigsiga cusub, isagoo rajo ka muujiyay nidaam doorasho oo Soomaaliya ka hirgala noocuu doono ha noqdee.
Goobjooge.com
[ad name=”HTML-1″]
