Wararka laga helayo Magaalada Gaalkacyo ee Gobolka Mudug ayaa sheegaya in Qaraxyo xoog leh oo is xiga ay ay gilgileen Magaalada Gaalkacyo dhinaceeda Waqooyi ee Puntland.
Qaraxyada ayaa la sheegay in midka hore uu ahaa is-miidaamin, kaasoo lala beegsaday xarunta Dowladda Hoose ee Waqooyiga Magaalada Gaalkacyo, waxaana qaraxa kadib xaruntaasi xoog ku galay dabley Alshabaab loo maleynayo.
Daqiiqado kadib ayaa la soo weriyay inay xarunta dhexdeeda ay ka dhaceen Qaraxyo kale oo midkood ahaa Gaari goobta la sii dhigay.
Xaaladda ayaa qasan waxaana jira dhimasho iyo dhaawac qaraxyad ka dhashay, ciidamada Ammaanka Puntland ayaa goobtaasi tegay.
Wararkii ugu danbeeyay ayaa sheegaya in weerarkaasi la soo afjaray ayan jiraan qasaare badan oo halkaasi ka dhacay.
FAAHFAAHINTA LA SOCO…
Goobjooge.com
