Guddiga Qaran ee Abaaraha ayaa maanta shaaciyay in Raashin Deeq ah oo laga helay dibadda ay u kala direen maamul Goboleedyada dalka.
Deeqdan oo in muddo ah taallay Dekadda Muqdisho, kana kala timid Turkiga iyoIndonesia ayaa guddigu sheegay inay maamulada dalka u qeybiyeen, una kala direen maamullada dalka.
Guddiga abaaraha oo shir jaraa’id ku qabtay dekadda Muqdisho ayaa shaaciyay inay raashinka u qoondeeyeen maamullada dalka, ayna u kala siiyeen sida soo socota:
Puntland: 1500 tan
Galmudug: 1500 tan
Hirshabeella: 1500 tan
Jubbaland: 1500 tan
Koonfur Galbeed: 1500 tan
G/Banaadir: 1500 tan
Raashinka ayaa ka kooban Bariis, Bur iyo Sokor, iyadoo maraakiib loo saari doono dekadaha Boosaaso iyo Kismaayo. Halka sidoo kale Gobolka banaadir iyo Koofur Galbeed loo marinayaa jidka.
